Prokýratýra 4,8 mlrd teńgege jýyq múlikti memleket menshigine qaıtarý týraly talap-aryzdardy qozǵady, dep habarlaıdy Egemen.kz Bas prokýratýranyń baspasóz qyzmetine silteme jasap.
Bas prokýratýra memlekettik múlikti basqarý jáne jekeshelendirý salasynda tekserý júrgizdi.
Jekelegen jaǵdaılarda memlekettik múlikti satý zańǵa qaıshy keletini anyqtalǵan, sondyqtan prokýrorlar 4,8 mlrd teńgeden astam somaǵa múlikti memleket menshigine qaıtarý týraly talapqa bastamashylyq jasaǵany habarlandy.
«Astana men Almaty prokýrorlarynyń talap-aryzy boıynsha burynǵy Mádenıet mınıstri Arystanbek Muhamedıulyna qatysy bar kompanııalarǵa satylǵan quny 3,5 mıllıard teńgeden asatyn taǵy úsh nysandy memleket menshigine qaıtarý boıynsha sot prosesi júrip jatyr», delingen habarlamada.
Eske sala keteıik, buǵan deıin eks-mınıstr Arystanbek Muhamedıulyna tıesili sport mektebi memleketke qaıtarylǵany belgili bolǵan edi. Atalǵan múlik Arystanbek Muhamedıulymen baılanysty «Nomad's Land» JShS-ne tıesili bolǵan.