Qarjylyq monıtorıng agenttigi «Sybaǵa» memlekettik baǵdarlamasy aıasynda «Agrarlyq nesıe korporasııasy» AQ Aqtóbe fılıalynan nesıe alý kezindegi alaıaqtyq faktilerin anyqtady, dep habarlaıdy Egemen.kz.
«Tergeý barysynda 4 sharýa qojalyǵynan jalǵan qujattardy paıdalana otyryp, asyl tuqymdy IQM satyp alýǵa bólingen memlekettik sýbsıdııalar men kredıttik qarajatty qoldy qylǵan úsh azamat anyqtalǵan.Quqyqqa qaıshy árekettermen memleketke jalpy somasy 1 mlrd teńgege jýyq iri mólsherde zalal keltirildi», dep habarlady Qarjylyq monıtorıng agenttigi.
Tergeý barysynda keltirilgen shyǵyn tolyǵymen ótelgeni habarlandy.
Sot úkimimen agroónerkásiptik keshen salasyndaǵy asa iri mólsherdegi alaıaqtyq úshin úsh adam 5 jylǵa bas bostandyǵynan aıyryldy. Sondaı-aq sottalýshylardyń jyljymaly jáne jyljymaıtyn múlikteri memleket paıdasyna tárkilengen.