Bul týraly Jeke sot oryndaýshylarynyń Respýblıkalyq palatasynda aıtyldy, dep habarlaıdy Egemen.kz.
Alıment tóleýden qashyp júrgen boryshkerlerdi tabý úshin jasandy ıntellekt elementteri bar betti taný júıesi paıdalanylady.
Tamyz aıynda Qazaqstannyń keıbir qalalarynda beınebaqylaý kameralary prokýrorlar qosqan jańa IT-ázirlememen jaraqtandyryldy. Júıe betti avtomatty túrde taný úshin jasandy ıntellekt tehnologııasyn qoldanady, bul qashqyn qylmyskerlerdi ustaýǵa kómektesedi. TJK Respýblıkalyq palatasynda bul tehnologııany alıment boıynsha boryshkerlerdi izdestirý úshin de qoldaný usynyldy.
Qazaqstanda alıment boıynsha boryshkerlerdi tulǵany taný júıesi arqyly izdeıtin bolady
- Jasandy ıntellekt pen ozyq tehnologııalardy paıdalaný sot aktilerin oryndaý tıimdiligin arttyrýdaǵy mańyzdy qadam bolyp tabylady, – dep atap ótti palatadan.
Jańa tehnologııalardy boryshkerlerdi izdeýge qoldaný máselesi Bas prokýratýra departamentiniń dırektory Ilııas Ispanovpen kezdesýde talqylandy.