Astanada V Dúnıejúzilik kóshpeliler oıyndary aıasynda 6 qyrkúıek kúni teatrlandyrylǵan qoıylymmen «Birlik Kerýeni» saltanatty is-sharasy ótedi, dep habarlaıdy Egemen.kz elorda ákimdiginiń baspasóz qyzmetine silteme jasap.
«Birlik Kerýeni» — Qazaqstannyń 20 óńirinen respýblıkanyń barlyq turǵyndaryn biriktiretin jáne elimizdiń birligi men mádenı áralýandyǵyn aıqyndaıtyn, kóshpeliler oıyndarynyń bóligi bolyp sanalatyn mańyzdy mádenı oqıǵa.
«Birlik Kerýeni» is-sharasy ótkiziletin kúni óńirlerdiń ókilderi basqaratyn kerýen - bul sportshylar, qoǵam qaıratkerleri, túrli oblystyń batyrlary Astanaǵa Qazaqstannyń qasıetti kózderinen sý jetkizedi. Elimizdiń túkpir-túkpirinen jınalatyn sý Astanadaǵy taıqazanda oıyndardyń ashylý kúni qosylyp, birliktiń basty sımvolyna aınalady.Sonymen qatar 6 qyrkúıek kúni saǵat 17:00-de EKSPO aýmaǵynda (saǵat 16.00-den bastap dıdjeı oınaıdy, sondaı-aq qatysýshylar úshin vıktorınalar ótkiziledi) is-shara resmı túrde bastalady.Aıta keterligi, «Birlik Kerýeni» ótkizilýine baılanysty saǵat 13:00-den 21:00-ge deıin Túrkistan jáne Aqmeshit kóshelerindegi EKSPO mańyndaǵy joldardyń bir bóligin ýaqytsha jabý josparlanǵan.