О́skemende sottalýshy túrmede otyryp, ózin oblys ákiminiń orynbasary retinde tanystyryp, kásipkerden 50 mln teńge aldap alǵan. Alaıda, alaıaqtyǵy anyqtalyp, is sotqa jetti, dep habarlaıdy Egemen.kz.
Sot materıaldarynan belgili bolǵandaı, alaıaqtyq jasaǵany úshin túzetý mekemesinde jazasyn ótep jatqan aıyptalýshy uıaly telefonǵa qol jetkizgen.
Ol kásipkerlerden sý tasqynynyń saldaryn joıýǵa kómek kórsetý maqsatynda aqsha suraǵan. Sottalýshy odan ári jeńildikter men preferensııalar berý syltaýymen kásip ıeleriniń birinen 50 mln teńge aldy.
- Sot úkimimen kináli dep tanylǵan aıyptalýshy buryn taǵaıyndalǵan jazany qosqanda 8 jylǵa bas bostandyǵynan aıyryldy, – dep habarlady О́skemen qalalyq sotynyń baspasóz qyzmetinen.