BQO-da jasóspirim Toyota Camry kóligin júrgizip, aýdarylyp qaldy. Bul týraly Egemen.kz jergilikti «Moı gorod» basylymyna silteme jasap habarlaıdy.
Batys Qazaqstan oblysynyń aýylynda Toyota Camry avtokóligin júrgizgen jasóspirim apatqa ushyrady. Polısııanyń málimetinshe, 16 jastaǵy júrgizýshi kólik quralyn basqara almaı, kólik aýdarylyp ketti. Apat saldarynan jasóspirim jaraqat aldy.
Oqıǵa faktisi boıynsha kámeletke tolmaǵan balanyń ata-anasyna QR ÁQBtK-niń 127-baby boıynsha «kámeletke tolmaǵan balany tárbıeleý jónindegi mindetterdi oryndamaý» boıynsha ákimshilik hattama jasaldy. Olarǵa 10 AEK mólsherinde aıyppul taǵaıyndaldy, bul 36 920 teńgeni quraıdy.
Kólik ıesi QR ÁQBtK-niń 612-baby boıynsha «kólik quralyn basqarý quqyǵy joq adamǵa berý» boıynsha ákimshilik jaýapkershilikke tartyldy. Oǵan 50 AEK nemese 184 600 teńge aıyppul salynady.