Prezıdent Nursultan Nazarbaev Memlekettik hatshy Gúlshara Ábdiqalyqovany qabyldady, dep habarlady Prezıdenttiń baspasóz qyzmeti.
G.Ábdiqalyqova aldaǵy mereıtoılyq datalardy – Qazaq handyǵynyń 550 jyldyǵyn, Uly Otan soǵysyndaǵy Jeńistiń 70 jyldyǵyn, Konstıtýsııanyń jáne Qazaqstan halqy Assambleıasynyń 20 jyldyǵyn merekeleýge daıyndyq barysy týraly baıandady.
Nursultan Nazarbaev osy is-sharalardyń jastardy patrıottyq rýhta tárbıeleý, memlekettilikti nyǵaıtý, sondaı-aq, respýblıkada birlik pen kelisimdi qamtamasyz etý úshin mańyzdylyǵyn ataı otyryp, ortalyq jáne óńirlik deńgeıde tııanaqty uıymdastyrý qajettigine nazar aýdardy.
Kezdesý qorytyndysy boıynsha Memleket basshysy birqatar naqty tapsyrmalar berdi.