Qazaqstan Ulttyq banki «Este qalatyn oqıǵalar men birtýar adamdar» serııasymen «Joshy Ulysy. 800 jyl» kolleksııalyq monetalaryn aınalymǵa shyǵarady.
Monetalardyń dızaınynda Joshy han eskertkishiniń beınelengen. Onyń avtory – elimizge belgili músinshi, monýmentalıst-sýretshi Ǵazız Eshkenov. 5000 teńgelik nomınaldyń taralymy 100 dana. Olardyń bárine de altyn jalatylǵan, kúmis synamasy – 925/1000, massasy – 777,5 gramm, dıametri – 100 mm, daıyndaý sapasy – «proof». Aıta keteıik, monetanyń barlyq túrin elimizdiń búkil aýmaǵynda óziniń belgilengen qunymen tólemniń kez kelgen túrinde qabyldaýǵa, bank shottaryna esepke alýǵa, aýdarýǵa, usaqtaýǵa, aıyrbastaýǵa bolady.
Kólemdi gaýhar tas
Saha Respýblıkasyndaǵy Ebeleeh ken ornynan salmaǵy 52 gramm bolatyn gaýhar tas tabyldy.
Baǵaly tasty mamandar almazdy ken ornynyń topyraǵyn tazalaý kezinde anyqtaǵan. Grafıt, sýlfıd sııaqty hımııalyq qospasy bar zergerlik almas móldir krıstaldarmen kómkerilgen. Qazir ol saraptamalyq baǵalaýǵa jiberildi. Mamandardyń aıtýynsha, kólemdi gaýhar tas osymen ekinshi ret Ebeleeh ken ornynan tabylǵan. Byltyr qyrkúıekte salmaǵy 78 gramm krıstall anyqtalǵan. Bul – keıingi on jyldaǵy Reseıden tabylǵan eń úlken baǵaly tas.
Ǵaryshtaǵy toǵyzqumalaq
Dúnıejúzilik kóshpeliler oıyndarynyń qarsańynda toǵyzqumalaq oıynynyń taqtasy 35 myń shaqyrymdaǵy áýe keńistigine ushyryldy.
Osylaısha, uıymdastyrýshylar jahan jurtynyń nazaryn tól oıynymyzǵa aýdarýǵa tyrysqan. Qazir toǵyzqumalaq ulttyq oıynyna tek qazaqtyń ǵana emes, ózge elderdiń de qyzyǵýshylyǵy joǵary. Máselen, kóshpeliler oıynynda Kolýmbııa, Bangladesh, Ulybrıtanııa, AQSh, Qytaı sııaqty elderden kelgen qatysýshylardyń qarasy mol. Aıta keteıik, qazir elimizde 5 myń toǵyzqumalaq úıirmesi, 200-den astam joǵary sanattaǵy sportshylar bar.