Batys Qazaqstan oblysynyń Oral qalalyq soty 2019-2020 jyldar aralyǵynda «Kachestvo PLUS» JShS qarjy pıramıdasyn qurǵan Oral qalasynyń turǵynyn anyqtady, dep habarlaıdy Egemen.kz oblystyq prokýratýranyń baspasóz qyzmetine silteme jasap.
Prokýratýranyń habarlaýynsha, ınvestısııalyq jobalardy zańdy túrde qarjylandyramyz degen jeleýmen sottalýshy 73 salymshynyń qarajatyn zańsyz ıemdenip, joǵary tabysqa ýáde bergen. Nátıjesinde jábirlenýshiler jalpy somasy 143 mıllıon teńgeden astam materıaldyq shyǵynǵa ushyraǵan.
«Odan ári sottalýshy «Svoı DOM.kz» jáne «Pater Hause» turǵyn úı-qurylys kooperatıvinen jalpy somasy 161 mıllıon teńgeden astam qarajatty urlaǵany anyqtaldy», dep habarlady prokýratýranyń baspasóz qyzmeti.
Memlekettik aıyptaýshy tarapy sottalýshynyń qarjylyq pıramıdany qurýǵa jáne basqarýǵa, sondaı-aq qarajatty urlaýǵa qatystylyǵyn dáleldegen.
Sot sottalýshyny kináli dep tanyp, qarjy uıymdarynda basshy laýazymdardy atqarý jáne 10 jyl merzimge qarjy uıymynyń múshesi bolý quqyǵynan aıyra otyryp, qylmystyq quqyq buzýshylyqtardyń jıyntyǵy boıynsha 7 jylǵa bas bostandyǵynan aıyrǵan.
Sonymen qatar sot úkimimen tyıym salynǵan jyljymaıtyn jáne jyljymaly múlik, atap aıtqanda jer telimi men avtokólik keltirilgen shyǵyndy óteýge jiberilgen.
Sot úkimi zańdy kúshine engen joq.