Selınograd aýdanynyń prokýratýrasy bilim bólimin tekserý barysynda jalpy somasy 5,8 mln teńgege bıýdjet qarajatyn jymqyrý faktisin anyqtady, dep habarlaıdy Egemen.kz.
Oblystyq prokýratýranyń habarlaýynsha, mekemeniń esepshisi óziniń qyzmettik jaǵdaıyn paıdalana otyryp, jalǵan qujattar jasaǵan. Sondaı-aq shottaryna aqshalaı qarajatty negizsiz eseptegen faktilerin jasyrǵany anyqtalǵan.
«QK 190-b. 3-b 1-t. sáıkes osy fakti boıynsha aýdan prokýratýrasy sotqa deıingi tergeý jumystaryn bastady. Sot úkimimen ol kináli dep tanylyp, probasııalyq baqylaý belgilenip, 3 jylǵa bas bostandyǵyn shekteýge úkim shyǵaryldy», dep habarlady oblystyq prokýratýranyń baspasóz qyzmeti.
Habarlanǵandaı, keltirilgen zalal somasy memleket bıýdjetine qaıtarylǵan.