2024 jyldyń mamyr aıynda qaladaǵy saýda jelileriniń birinde et ónimderin sórede kórsetilgen baǵa belgisinen 20%-ǵa jýyq joǵary baǵamen satý faktisi anyqtalǵan, dep habarlaıdy Egemen.kz.
Bas prokýratýranyń málimetinshe, atalǵan fakti boıynsha Saýda jáne tutynýshylardyń quqyqtaryn qorǵaý departamentiniń qaýlysymen zańdy tulǵa ákimshilik jaýaptylyqqa tartylǵan.
Alaıda zańdy tulǵa ókiliniń shaǵymy boıynsha Aqtaý qalasynyń ákimshilik quqyq buzýshylyqtar jónindegi mamandandyrylǵan soty ýákiletti organ qaýlysynyń kúshin joıǵan.
«Prokýratýranyń aktisi boıynsha Mańǵystaý oblystyq sotymen birinshi satydaǵy sot qaýlysynyń kúshi joıylyp, saýda jelisine 738 400 teńge aıyppul salý túrinde shara qoldanyldy», delingen habarlamada.
Sot aktisi zańdy kúshine endi.
Eske sala keteıik, áleýmettik mańyzy bar azyq-túlik ónimderin ótkizý kezinde tutynýshylardyń quqyqtaryn qorǵaý máseleleri prokýratýra organdarynyń erekshe baqylaýyna alynǵan.