Túrkistandaǵy aýmaǵy 350 gektar bolatyn ındýstrııalyq aımaqtyń 40 gektary tolyqtaı ınfraqurylymmen qamtylyp, 32 joba júzege asyrylǵan. Oblys ortalyǵyna aınalǵan qalada orta kásipkerliktiń damýyna barynsha jaǵdaı jasalyp keledi. Iаǵnı qalada aýqymy keń, qýaty joǵary, ónimi sapaly kásiporyndardyń qatary artyp jatyr. Ásirese jıhaz óndirisiniń qarqyny joǵary. Túrkistanda jasalǵan jıhazdar el óńirlerinen bólek, shetelderge de eksporttalyp jatyr.
Qaladaǵy osyndaı áleýeti joǵary, ónimderi brendke aınalyp otyrǵan biregeı kásiporyn – «Grand Miks» zaýyty. «Túrkistan» ındýstrııalyq aımaǵynda ornalasqan kásiporyn jumysyn 20 jyl buryn, 4 adam jumys isteıtin kishigirim seh retinde bastaǵan. Kásiporyn qyzmetkerleri biregeı dızaınerlik jıhazdyń keremet kolleksııalaryn jasaıdy. Zaýytta óndiristiń tehnologııalyq úderisi saqtalady. Barlyq sehy zamanaýı qondyrǵylarmen jabdyqtalǵan. «Grand mix» JShS dırektory Kamaljan Iýldashovtyń aıtýynsha, bastapqyda seh retinde turǵyn úıde ashylǵan kásiporyn 2015 jyly Túrkistanda qurylǵan ındýstrıaldy aımaqqa óz jobasyn usynyp, 1 gektar jer alypty.
«Memleket tarapynan kórsetilgen qoldaýǵa kelsek, eń birinshi jer berildi. Jergilikti bılik jumysymyzǵa qajetti ınfraqurylymmen qamtamasyz etti. Iаǵnı kásiporyndarǵa sý, gaz, jaryq máselesi qoljetimdi. Tipti kásiporynnyń janyna deıin temirjol tartylǵan. Kásibimizdi damytýǵa alǵashqy jyldary memleketten 500 mln teńge nesıe aldyq», deıdi kásipker.
«Kórshi Qytaı memleketinen arnaıy qurylǵylar satyp ákelip, ornattyq. Qazir memleketten alǵan nesıe mólsheri 1 mlrd 300 mln teńgeni qurap otyr. Osylaısha, jyl ótken saıyn jıhazdarymyzdyń sapasy artyp, tapsyrys berýshiler men tutynýshylarymyzdyń qatary kóbeıip keledi. Úı jıhazynyń úlgileri jıi jańalanyp otyrady. Osyǵan oraı bizdiń katalogter de jyl saıyn 30-40 paıyzǵa deıin jańaryp, ózgeriske ushyraıdy. Halyqqa qashanda sońǵy úlgidegi jıhazdardy usynýǵa tyrysamyz. Bir sózben aıtqanda, turǵyndardyń suranysyn qanaǵattandyrýǵa, senim údesinen shyǵýǵa umtylyp jatyrmyz», dep aǵynan jaryldy Kamaljan Iýldashov.
Jyl sanap sapa artqan saıyn tutynýshylar tarapynan túsetin tapsyrys ta kóbeıdi. Qazir kásiporyn taýarlary elimizdiń túkpir-túkpirine jiberilip jatady. Kúnine orta eseppen 30 tonna jıhaz tasymaldanady. Almaty, Shymkent qalalarynyń aı saıynǵy 80 mln teńgelik tapsyrys oryndalyp jatyr. Sondaı-aq kásiporyn ónimi Reseı men Qyrǵyzstanǵa eksporttalady.
«Qazir osy eki elmen tyǵyz qarym-qatynastamyz. Taýarlardy aı saıyn eksporttaımyz. Basqa elderden de suranys kelip jatyr. Biraq joba kólemi úlkeıgen saıyn kóp qarjyny talap etedi ári jumysshy sany da artady. Qazir kásiporynda 165 jumysshy bar. Bul – kásiporynnyń negizgi jumysshy toby. Jumystyń qarqyndy júretin merziminde qosymsha taǵy jumysshylar jaldaımyz. Munda jumys isteıtin árbir jumysshyny eń áýeli oqytamyz. Iаǵnı kásiporyn tolyqtaı zamanaýı tehnıkalarmen jabdyqtalǵandyqtan, bir kórgen adam úırene qoımaıdy. Ár jumysshyny jeke tehnıkalardyń jumys isteý barysymen tanystyramyz. Jumys isteıtinder – Túrkistan qalasynyń turǵyndary», deıdi Kamaljan Iýldashev.
Sapaly ónimge qashanda suranys joǵary bolatynyn jaqsy biletin kásiporyn mamandary jıhazǵa qoldanylatyn shıkizatqa da erekshe mán beredi. Bul oraıda negizgi shıkizat – aǵash, ıaǵnı jıhaz qaptamalary Reseıden ákelinedi.
«Kórshi elden aǵashtan bólek aınany da aldyramyz. Al qosymsha zattardy Eýropa elderinen alamyz. Jelimdi Italııa, Ispanııadan alyp kelemiz. Shuryp, shege sekildi qosalqy detaldar Qytaıdan ákelinse, qaptama karton men porolondy Semeı, Almaty men Pavlodardan jetkizemiz. Iаǵnı otandyq ónimderdi de tutynamyz. Bul oraıda túrkistandyq kásiporyndardyń ónimderi de nazardan tys qalmaıdy. Jalpy, jergilikti kásiporyndardyń áleýeti jaqsy. Qurylǵandaryna kóp bolmasa da óz ónimderin elimizden bólek shetelge eksporttap otyrǵan kásiporyndar jeterlik», deıdi seriktestik dırektory.
Indýstrııalyq aımaqta suranysqa ıe taýarlar shyǵaryp kele jatqan óndiris oryndarynyń taǵy biri – qorshaýǵa arnalǵan tor shyǵaratyn «Kaztor LTD» zaýyty. Kásiporynda qazir sharnırly, sylaq pen qalaý úshin dánekerlengen jáne úlken aýmaqty qorshaýǵa arnalǵan torlardyń 4 túri shyǵarylady.
«2019 jyly ındýstrııalyq aımaqtan oryn aldyq. Osy kezge deıin 3-4 túrli tor ónimderin shyǵaryp keldik. Suryptalyp, eksheı kele qazir tordyń eki túrin shyǵaramyz. Biri – 3D tor dep atalady, ol mekemelerdi, kópqabatty úılerdiń aýlasynda sport alańshalaryn, túrli ǵımaratty, jalpy qalalyq nysandarǵa qorshaýǵa arnalǵan torlar. Ekinshisi – eginjaı, baý-baqsha, qora-qopsy, fermerlik, jalpy aýyl sharýashylyǵyna paıdalanylatyn, jol boılaryn qorshaýǵa arnalǵan torlar. Ázirge, tıimdi degen osy eki túrli ónimderdi shyǵaryp jatyrmyz. Aldaǵy ýaqytta ónimniń jańa túrlerin qossaq degen nıet bar», deıdi kásiporynnyń basshysy Erkebaı Jyńǵylbaev.
Daıyn taýar óndirýge barlyq múmkindik jasalǵanyn aıtqan kásiporyn basshysy elimizde qarapaıym symtemir shyǵarylmaıtynyna qynjylysyn da bildirdi.
«Bizde temir de, kómir de, tústi metall da jetedi. О́kinishke qaraı, sonsha mol shıkizat qory bola tura qarapaıym symtemir shyǵarylmaıdy. Shıkizatty Reseıden aldyramyz. Importtyq symtemirdi arnaıy stanokpen toqyp, daıyn ónim shyǵaramyz. Stanoktardy Qytaıdan, Eýropa elderinen ákeldik, sapasy jaqsy. О́ndiristiń aýqymdylyǵy kóńilden shyǵady. Keıingi jyldary Reseıden keletin shıkizat baǵasy qymbattap ketti, bul álbette bizdiń shaǵyn óndirisimizge keri áserin tıgizedi», deıdi E.Jyńǵylbaev.
Búginde 20 adamdy turaqty jumyspen qamtyp otyrǵan zaýyt qazir kásiporyn aýmaǵyn keńeıtip, jańa óndiristik ǵımarattar salýǵa kiristi.
Túrkistan oblysy