15 qyrkúıekte túngi saǵat 2 shamasynda Almaty-О́skemen tas jolynyń 25-shaqyrymynda adam ólimimen aıaqtalǵan jol-kólik oqıǵasy boldy, habarlaıdy Egemen.kz.
Almaty oblysyndaǵy tas joldyń birinde Qonaev termınalynyń mańynda adam ólimine ákelgen jol apaty boldy.
Chevrolet Cobalt kóliginiń júrgizýshisi joǵary jyldamdyqpen aqyly termınaldyń beton qorshaýyna soǵylǵan, odan ushyp, aldynda turǵan Hyundai Sonata kóligimen soqtyǵysqan. Chevrolet júrgizýshisi oqıǵa ornynda kóz jumdy.
- Jol-kólik oqıǵasy boıynsha qylmystyq is qozǵaldy, boljam boıynsha Chevrolet kóligin basqarǵan er adam tizginge ıe bola almaı qalǵan, – dep habarlady Almaty oblystyq polısııa departamentiniń baspasóz qyzmeti.
Tergeý jalǵasyp jatyr.