Prezıdent Qasym-Jomart Toqaev pen GFR Kansleri Olaf Shols kelissózder barysynda halyqaralyq jáne aımaqtyq kún tártibindegi ózekti máseleler jóninde pikir almasty. Budan bólek, Ýkraına tóńiregindegi jaǵdaıǵa nazar aýdaryldy, dep habarlaıdy Egemen.kz.
Prezıdent kórshiles elder arasyndaǵy yntymaqtastyq pen beıbitshiliktiń mańyzy zor ekenin aıtty.
-Memleket basshylary keledi, ketedi. Al halyq, ásirese kórshiles halyqtar beıbit ári bir-birimen túsinisip ómir súrýi kerek.
Qazaqstannyń Reseımen dúnıe júzi boıynsha qurlyqtaǵy eń uzyn shegendelgen shekarasy bar. Bizdiń elderimiz arasyndaǵy yntymaqtastyq strategııalyq seriktestik pen odaqtastyq aıasynda damyp keledi.
Qazaqstandyqtar ýkraın halqy men onyń tól mádenıetine shynaıy qurmetpen qaraıdy. Qazaqstan men Ýkraına arasynda eshqandaı kelispeýshilik bolǵan emes. Kıevte Elshiligimiz áli de jumys istep jatyr, – dedi Qazaqstan Prezıdenti.