QOSTANAI. 27 qańtar. Qostanaı oblysynda nannyń baǵasy ósetin boldy. Bul týraly egemen.kz tilshisi habarlady.
Qostanaı oblysynda osy ýaqytqa deıin nannyń baǵasy respýblıka boıynsha eń tómen, 42 teńge bolyp kelgen. Oblysta qurylǵan áleýmettik qordyń arqasynda nannyń baǵasy tórt jyl boıy qymbattaǵan joq. Oblys ákimi Nuraly Sádýaqasov oblystaǵy naýbaıhanalardyń qarjylyq kúrdeli jaǵdaıyna baılanysty áleýmettik nannyń bir bólkesiniń baǵasyn ósirýge týra keletindigin aıtty. Oblys ákimi Nuraly Sádýaqasov: «Osy kezge deıin biz eń tómen baǵany ustap keldik. Petropavlovsk pen Kókshetaýda áleýmettik nannyń bir bólkesi 47-48 teńge boldy. Qazir esepteý jumystary júrip jatyr. Eger biz nannyń baǵasyn ósirmesek, dıirmender men naýbaıhanalardyń jaǵdaıy munan da tómendeıdi. Sondyqtan bólke nannyń baǵasy 3-4 teńgege kóteriledi», dedi. Sonymen qatar aımaq basshysy muny turǵyndar durys túsinetindigin de aıtty.
Názıra Járimbetova.
Derek: egemen.kz.
Sýret: yvizion.kz.