Jetisý oblysynyń prokýrorlary alımentti qasaqana tólemegen azamatty qylmystyq jaýapkershilikke tartty, dep habarlaıdy Egemen.kz.
Oblystyq prokýratýranyń habarlaýynsha, Alakól aýdanynyń turǵyny 5 jyl boıy balalarynyń aldynda alıment tóleýden jaltarǵan.
Nátıjesinde boryshkerdiń 2,6 mln teńge kóleminde qaryzy jınalǵan.
«Aýdan prokýratýrasy Qylmystyq kodekstiń 139-baby boıynsha sotqa deıingi tergep-tekserýge bastamashylyq jasap (balalardy asyraýǵa qarajat tóleý boıynsha mindetterin oryndamaý), ol sotqa jiberildi. Sot úkimimen boryshkerge probasııalyq baqylaý belgilene otyryp, 1 jyl merzimge bas bostandyǵyn shekteý túrindegi jaza taǵaıyndaldy», dep habarlady oblystyq prokýratýranyń baspasóz qyzmeti.
Aıta keteıik, jyl basynan beri prokýratýra sharalarymen alıment tólemegen 206 adam ákimshilik jaýapkershilikke, 6 boryshker qylmystyq jaýapkershilikke tartylǵan.