Memleket basshysy Qasym-Jomart Toqaev halyqqa Joldaýynda bilim salasyna erekshe basymdyq berdi. Joldaýda aıtylǵan mindetterdi júzege asyrý maqsatynda el óńirlerinde atalǵan salada irgeli jumystar júrgizilip jatyr. Aqtóbe oblysyna jumys saparymen barǵan Premer-mınıstrdiń orynbasary Tamara Dúısenova osy baǵytta atqarylyp jatqan is-sharalarmen tanysty.
Qanysh Sátbaev atyndaǵy orta mektep-lıseıinde ótken kezdesýde vıse-premerge bilim nysandaryndaǵy sıfrlyq baǵytta atqarylyp jatqan ister týraly aıtyldy. Olar balalardyń qaýipsizdigin qamtamasyz etýge, mektep ashanalarynda tamaqtanýdy uıymdastyrýǵa baǵyttalǵan. Memleket basshysy kelesi jyldan bastap «Áleýmettik ámııan» tetigin engizýdi tapsyrǵan edi. Bul jumys ta aımaqtarda belsendi iske asyrylyp jatyr. Aqtóbede «Áleýmettik ámııan» tetigin birinshi kezeńde 68 mektepte engizý josparlanyp otyr.
Prezıdent Joldaýynda balalardyń mektepke deıingi tárbıesine de erekshe kóńil bólindi. Balalardyń mektepke daıyndaý úshin balabaqshalar men bastaýysh synyp baǵdarlamasyn úndestirý jumystary júrgizilip jatyr. Sonymen qatar túrli sebeptermen balabaqshaǵa barmaıtyn balalarǵa keńes berý ortalyqtary da uıymdastyrylǵan.
T.Dúısenovaǵa balalardy mektepke deıingi mekemelerge kezekke qoıý, ony esepke alý júıesi tanystyryldy. Joldaýda qoıylǵan mindetterdi iske asyrý aıasynda jan basyna shaqqandaǵy qarjylandyrý standartyn otbasynyń naqty tabysymen baılanystyrý baǵytynda qarjylyq modeldi qaıta iske qosý qarastyrylǵan. Sondaı-aq balabaqshalardy tańdaýdyń jańa vaýcherlik tetigin engizý josparlanyp otyr. Búginde bul tetik Tarazda qanatqaqty rejimde jumys istep jatyr. Bul tetik boıynsha kezek balabaqshalardaǵy orynǵa baılanysty emes, jergilikti bıýdjetten bólingen vaýcher boıynsha qalyptasady. Iаǵnı vaýcher alǵan ata-analar barlyq talaptarǵa saı, bos oryndary bar balabaqshalardy tańdaı alady. Osylaısha, «aqsha kórsetiletin qyzmetti alýshyǵa tıesili» qaǵıdaty júzege asyrylady. Bul tetikti respýblıka boıynsha iske asyrý josparlandy.
Oblys pedagogterimen júzdesken vıse-premer elimizde AES salý taqyrybyna da toqtaldy.
«6 qazanda atom elektr stansasy qurylysyna qatysty referendým ótedi. Qoǵam arasynda túrli pikirler aıtylýda. Bul máselege áleýmettik sala turǵysynan qaraıyqshy. Qazir elimizde 8 myńǵa jýyq mektep, 6 myńdaı ártúrli medısınalyq uıym, 10 myńǵa tarta mektepke deıingi mekeme bar. Olardyń qatary óse beredi, sáıkesinshe, elektr energııasyna degen suranys arta bermek. Menińshe, atom elektr stansasynan qorqýdyń qajeti joq. 1959 jyldan beri Almaty qalasynda Iаdrolyq fızıka ınstıtýty jumys istep keledi. Onda reaktor ornatylǵan. Onyń kómegimen ǵylymı jumystar jasalady. Búginge deıin oǵan qatysty esh shaǵym bolǵan joq. Azamattar belsendilik tanytyp, aldaǵy referendýmǵa qatysýǵa tıis», dedi T.Dúısenova.
Sondaı-aq vıse-premer joǵary polıtehnıkalyq kolledjde boldy. Munda dýaldy oqytý ádisi belsendi túrde qoldanylyp keledi. Buǵan qosa, ázirlengen sıfrlyq ónimder satylady. T.Dúısenova kolledj stýdentterimen tildesip, pikir almasty.
О́ńirge sapary aıasynda vıse-premer aýyldyq shaǵyn jınaqty mektepterdi damytý jónindegi respýblıkalyq semınarǵa qatysty.
Semınar ótetin oryn retinde Aqtóbe kezdeısoq tańdalǵan joq. Oblysta shaǵyn jınaqty mektepterdiń bilim sapasy men jabdyqtalý deńgeıin arttyrý boıynsha qanatqaqty joba júzege asyrylyp jatqany belgili.
«Bul joba óte mańyzdy. О́ıtkeni elimizdegi mektepterdiń 67 paıyzy aýyldyq jerlerde. Olardyń jartysynan astamy – shaǵyn jınaqty mektepter. Joba aıasynda aýyl mektepteriniń materıaldyq-tehnıkalyq bazasyn jaqsartý, oqýshylardyń zamanaýı sapaly bilimge qoljetimdiligin qamtamasyz etý, shaǵyn jınaqty mektepterge úzdik pedagogıkalyq kadrlardy tartý qarastyrylǵan», dep atap ótti T.Dúısenova.
Atalǵan jobany júzege asyrýǵa quzyrly mınıstrlik pen oblys ákimdiginen bólek, «Qazaqstan halqyna» qory, bilim berýdi turaqty damytý qory, sondaı-aq sıfrlyq bilim berý platformalaryna ıelik etetin uıymdar qatysady. Barlyǵy bul jobamen 134 mektep qamtylyp otyr. Joba aıasynda birneshe oqytý tásilderi synaqtan ótkizildi. Sabaqtar úshin tirek mektepteriniń muǵalimderi strımıngti oqytýdyń sıfrlyq sheshimderin paıdalandy. Jobany júzege asyrý nátıjesinde 113 mektep ámbebap kabınettermen, 21 mektep jaratylystaný jáne sıfrlyq kabınettermen jabdyqtaldy. Birlesken jumystyń nátıjesinde mektepterdi ádistemelik qamtamasyz etý, muǵalimderdiń kásibı biliktiligin arttyrý, eń bastysy, shaǵyn jınaqty mektepterde bilim sapasynyń artýy qamtamasyz etildi.
Vıse-premer qanatqaqty jobanyń nátıjelerin joǵary baǵalady.
«Bul jobany keńeıte túsý kerek. Birinshiden, shaǵyn jınaqty mektepter aımaqtarda kóbirek iske asyrý kerek. Bizdiń basty maqsatymyz – barlyq balalarǵa sapaly bilim berý. Osy qanatqaqty jobany júzege asyrýǵa atsalysqandardyń barlyǵyna alǵys aıtqym keledi», dep atap ótti T.Dúısenova.