Eldi órkendetý baǵytyndaǵy eń jaýapty is memlekettik qyzmetshilerge júkteletini málim. Memlekettik qyzmetshige osyndaı joǵary talap qoıylsa, onda onyń quqyqtarynyń qorǵalýy men áleýmettik kepildikteriniń saqtalýy da tıisti deńgeıde bolýy shart.
Bul rette Memlekettik qyzmet isteri agenttigi men onyń aýmaqtyq bólimsheleriniń qyzmetiniń basym baǵyttarynyń birine memlekettik qyzmetshilerdiń quqyǵyn qorǵaý jatady. Osy baǵytta agenttiktiń Aqtóbe oblysy boıynsha departamentimen birge birqatar taldaý júrgizildi. Sonyń birine toqtalsaq, memlekettik qyzmetshilerge eńbek demalysyn berý men issapar shyǵyndaryn tóleý máselelerine júrgizilgen taldaý nátıjesinde óńirdegi memlekettik organdardyń 29 memlekettik qyzmetshisiniń quqyǵy buzylǵan. Dálirek aıtqanda, departament júrgizgen taldaýǵa súıensek, memlekettik organdar tarapynan memlekettik qyzmetshilerge issapar shyǵyndary zańnamada bekitilgen mólsherge sáıkes tolyq tólenbegeni anyqtaldy. Osy taldaý nátıjeleri Aqtóbe oblysyndaǵy ádep jónindegi keńeste qaralyp, sondaǵy sheshimmen memlekettik qyzmetshilerge tıesili tólem óteldi.
Conymen qatar jumys ýaqyty rejiminiń saqtalýyna qatysty júrgizilgen taldaý nátıjesinde 121 memlekettik qyzmetshige ústeme jumys atqarǵany úshin tynyǵý saǵattary berý jóninde sheshim qabyldandy.
Buǵan qosa memlekettik qyzmetshilerdiń quqyqtaryn qorǵaýdyń bir quraly – ıkemdi jumys kestesin jáne qashyqtan jumys isteý múmkindikterin qoldaný. Atap aıtqanda, bul jumys berýshiniń kelisimi boıynsha qyzmetkerge jumys kúniniń basqa tártibi belgilenýi múmkin. Iаǵnı memlekettik qyzmetshiler atalǵan rejimdi belgileý týraly ótinishpen júginýge quqyly. Mysaly, balany tańerteń men keshke balabaqshadan nemese mektepten alyp ketý sııaqty sebepter kórsetiledi. Osylaısha, bul múmkindikti bıyldan bastap 21 memlekettik organnyń 52 memlekettik qyzmetshisi paıdalanyp jatyr.
Atalǵan baǵyttaǵy jumystardy nátıjeli júzege asyrý aıryqsha mańyzdy. О́ıtkeni osynaý sharalar arqyly memlekettik qyzmetshiler arasynda zań ústemdigi sezilip, memlekettik qyzmetke senimin nyǵaıtýǵa múmkindik beredi.
Memlekettik qyzmetshilerdiń quqyqtary men zańdy múddeleri buzylǵan jaǵdaılarda olardy qorǵaýǵa jáne qalpyna keltirýge baǵyttalǵan sharalardy qabyldaıtyn Ádep jónindegi ýákil ınstıtýty bar. Joǵaryda aıtylǵandaı buzýshylyqtardyń aldyn alý maqsatynda jumystar júrgizý úshin atalǵan keńespen birge óńirdegi Ádep jónindegi ýákilderge usynystar aıtylyp, tıisti tapsyrmalar beriledi.
Aıbek ShILMANOV,
Memlekettik qyzmet isteri agenttigi Aqtóbe oblysy boıynsha departamentiniń basshysy, Ádep jónindegi keńes tóraǵasy