Rýdnyıda úsh jasar bala 10 magnıtti jutyp qoıyp, Qostanaı oblystyq balalar aýrýhanasyna jetkizilgennen keıin qaıtys boldy. Bir aıdan keıin dárigerlerge qylmystyq is qozǵaldy. Bul týraly osy ispen aınalysatyn advokat Damır Hamıtov Facebook-paraqshasynda jazdy, dep habarlaıdy Egemen.kz.
- Qostanaı qalasynyń soltústik polısııa bólimi 10 magnıtti jutyp qoıyp, qaıtys bolǵan kishkentaı Sashany qabyldaǵan dárigerlerge qatysty Qylmystyq kodekstiń 317-baby 3-bóligi boıynsha EQDB-da qylmystyq isti tirkedi. Endi tergeý sot-medısınalyq saraptama jáne farmasevtıkalyq baqylaý komıtetiniń qorytyndysy negizinde tıisti medısınalyq kómek kórsetpegen dárigerler tarapyna júrgiziledi. Kináliler balanyń ólimi úshin jazalanýy kerek, - dep jazdy zańger.
Damır Hamıtovtyń málimetinshe, Medısınalyq jáne farmasevtıkalyq baqylaý komıtetiniń departamenti ólim deregi boıynsha tekserý júrgizgen jáne medısınalyq kómek kezinde "baladaǵy óńeshtiń bógde denesi", "sepsıs", "perıtonıt" dıagnostıkasy men emdeýdiń klınıkalyq hattamalary buzylǵanyn anyqtaǵan.