Almaty oblysynda respýblıkalyq «SportArtFest» baıqaýynyń fınaly ótti. Is-shara Mádenıet jáne aqparat mınıstrliginiń qoldaýymen «Ules» jobasy aıasynda uıymdastyryldy.
Baıqaýdyń maqsaty – jastardy zııatkerlik jáne shyǵarmashylyq turǵyda damytý, sonymen qatar jastar arasynda salamatty ómir saltyn nasıhattaý.
Úsh baǵytqa negizdelgen saıystyń sharty boıynsha ár komandada 5 adam bar. Áýeli toptar Qazaqstan tarıhy, otandyq jáne álemdik sport, mádenıet salasy boıynsha suraqtardan turatyn zııatkerlik test tapsyrady. Sodan keıin komandalar sporttyq chellendjden ótýi kerek. Al úshinshi kezeńde uıymdastyrýshylar bekitken bes kitap boıynsha «IQ-buttle» atty ıntellektýaldy oıynynda bilim jarystyrady.
Respýblıkalyq baıqaýdyń irikteý kezeńine elimizdegi 500-den astam eldi mekennen 10 000-ǵa jýyq jas qatysty. Úzdik 20 komanda fınalǵa joldama aldy. Qatysýshylar úsh kún boıy zııatkerlik jáne shyǵarmashylyq jarystarda baq synasty.
Baıqaý qorytyndysynda Jetisý oblysynyń «Tau stars» komandasy 1-oryn, Jambyl oblysynyń «Shý jastary» komandasy 2- oryn alsa, 3-oryndy Atyraý oblysynyń «Firdaus» komandasy ıelendi. Jeńimpazdar alǵys hattarmen jáne aqshalaı syılyqtarmen marapattaldy. Baıqaýdyń júlde qory – 1 600 000 teńge.