QR Parlamenti Senatynyń depýtattary Nurlan Bekenov pen Talǵat Júnisov «Aqmola elektr jelilerin taratý kompanııasy» AQ Esil bólimshesinde boldy jáne «QTJ» AQ oblystyq basqarmasynyń temirjolshylarymen kezdesti. Kezdesýler barysynda elimizdiń bolashaǵyna asa qajetti máseleni sheshýde ár daýystyń mańyzdylyǵy atap ótildi jáne azamattardy aldaǵy referendýmǵa qatysýǵa úndedi, dep habarlaıdy Egemen.kz.
Depýtattar energetıka taqyrybyna erekshe nazar aýdardy. Olar 2030 jylǵa qaraı elektr qýatynyń tapshylyǵy 13 mıllıard kılovatt-saǵattan asatyny boljanyp otyrǵany jáne onyń aldyn alýdyń negizgi sheshimi – atom elektr stansııasyn salý ekenin atap ótti. Olardyń pikirinshe, atom elektr stansııasy energetıkalyq máselelerdi sheshýmen qatar, ekologııalyq jaǵdaıdy jaqsartýdaǵy mańyzdy qadam bolmaq.
Gastello aýyly orta mektebiniń ustazdary men aýdandyq aýrýhana qyzmetkerlerimen kezdesýde atom elektr stansasyn salýdyń mańyzdylyǵy talqylandy. Onyń qaýipsizdigi men qorshaǵan orta jáne adam densaýlyǵyna tıgizetin áseri az ekeni aıtyldy. Kezdesýlerge «Iаdrolyq fızıka ınstıtýty» AQ Astana fılıaly dırektorynyń orynbasary Daryn Borbekov qatysyp, atom energııasyn paıdalanýdyń tehnıkalyq ózgesheligi men artyqshylyǵyna toqtaldy.
Depýtattar barlyq azamatty saılaý ýchaskelerine kelýge jáne elimizdiń bolashaǵyna oń yqpal etetin sheshim qabyldaýǵa shaqyrdy.