Tehnologııany meńgerýge basymdyq beriledi

Elimizdiń ekonomıkalyq damýynyń basty maqsaty – azamattardyń tabys deńgeıin arttyrý. Kózdegen mejege jetý úshin ekonomıkany ártaraptandyrý, shaǵyn jáne orta bıznesti damytý, ınvestısııalyq ahýaldy jaq­sartý mańyzdy. Osy baǵyt­tarda jastardyń belsen­diligi sheshýshi ról atqarýǵa tıis. Jastardyń kásipkerlikke degen qyzyǵýshylyǵyn arttyrý úshin arnaıy baǵdarlamalar uıymdastyrý qajet. Máse­len, startap-baıqaýlar, kásip­ker­likke úıretý kýrstary jáne tálimgerlik baǵdarlamalar arqyly jastardy bızneste jańa ıdeıalardy júzege asy­rý­ǵa yntalandyrýǵa bolady. Osy­laısha jas kásipkerler eldiń ekonomıkalyq ósimine úlesin qosyp, jańa jumys oryndaryn ashyp, qoǵamdaǵy áleýmettik teńsizdikti tómendetýge yqpal etedi.

Sonymen qatar sıfrlandyrý men ınnovasııalardy ekonomıkanyń barlyq salasyna engizý de mańyzdy. Osy oraıda IT salasynda bilim alyp jatqan jastarǵa tájirıbe almasý, startaptar qurý, ınno­va­sııalyq jobalardy iske asyrý múmkindikterin usyný kerek. Sıfrlyq ekonomıkada jetistikke jetý úshin jastardyń jańa tehnologııalardy meńgerýi olardy óndiriste, qyzmet kórsetý salasynda, kúndelikti ómirde qoldanýy jumysty jeńil­de­te­tini anyq.

Memleket basshysy ǵylymdy damytýǵa erekshe nazar aýdaryp, elimizde ınnovasııalyq ekojúıe qurý qajettigin aıtty. Mysaly, stýdentter men jas ǵalymdar arasynda ǵy­lymı jobalar baıqaýlaryn uıymdastyrý, tájirıbe almasý baǵ­darlamalaryn damytý, sheteldik jetekshi ǵalymdarmen yntymaqtastyqty nyǵaıtý sııaq­ty sharalar arqyly jas­tar­dyń ǵylymǵa degen qyzy­ǵýshy­lyǵyn arttyrýǵa bolady. Sondaı-aq ǵylym men óndiris arasyndaǵy baılanysty kúsheıtý qajet.

Ǵylymı jańalyqtardy ón­di­riske engizýge yqpal etý mańyzdy. Bul úshin ýnıversıtetterde startaptar qurýǵa, ǵylymı-tehnologııalyq park­ter ashýǵa jáne óndiristik kásiporyndarmen tyǵyz baılanys ornatýǵa jaǵdaı jasaǵan abzal. Osy arqyly jas ǵalym­dar ózderiniń ǵylymı jańa­lyq­taryn naqty ónimge aınal­dyryp, ekonomıkanyń damýy­na úles qosa alady.

Joǵary bilim salasy – elimiz­diń zııatkerlik áleýetin art­tyrýdyń negizgi kózi. Prezı­dent joǵary oqý oryndaryn ınternasıonaldandyrý, olardyń sapasyn arttyrý jáne naqty ekonomıkamen baılanysty kúsheıtý qajettigin atap ótti. Stýdentter men jas mamandardy jumysqa ornalastyrý, olardy naqty óndiris oryndaryna taǵylymdamaǵa jiberý, bilimin praktıkada qoldanýǵa múmkindik berý baǵytynda belsendilik tanytý qajet.

Joǵary bilimniń sapasyn arttyrýda oqý baǵdarlamalaryn zamanaýı talaptarǵa sáıkes­tendirý, halyqaralyq stan­darttarǵa saı bilim berý, sheteldik joǵary oqý oryndarymen yntymaqtastyqty kúsheıtý kerek. Stýdentter arasynda sheteldik tájirıbe almasý baǵdarlamalaryn nasıhattaý, sheteldik professorlar men mamandardy otandyq joǵary oqý oryndaryna shaqyrý arqyly bilim sapasyn arttyrý qajet. Bul elimizdiń ekonomıkalyq jáne áleýmettik damýynyń mańyzdy faktoryna aınalatyny, sózsiz.

Qorytyndylaı kele, eli­mizdiń bolashaǵy úshin turaq­ty damý men órkendeýge baǵyttalǵan júıeli qadamdar jasaý, ásirese, birlese atqarylǵan jumys pen alǵa qoıǵan maqsattarǵa adaldyq jarqyn bolashaqtyń kepili bol­maq.

Ákejan KEŃESOV,

Almaty qalalyq «Jastar rýhy» jastar qanatynyń tóraǵasy