Premer-mınıstr Oljas Bektenov Erevan qalasyndaǵy Eýrazııalyq úkimetaralyq keńestiń (EÚAK) otyrysyna qatysty, sondaı-aq EAEO-ǵa qatysýshy elder úkimet basshylarymen Odaqtyń sıfrlyq kún tártibin «Zamanaýı sıfrlandyrý – tórt erkindikti qamtamasyz etý ımperatıvi» úshinshi Eýrazııalyq ekonomıkalyq forýmy aıasynda talqylady.
Ekonomıkalyq úderisterdi sıfrlandyrý keleshegi talqylanǵan Eýrazııalyq ekonomıkalyq forýmnyń plenarlyq otyrysyna Armenııa, Belarýs, Qyrǵyzstan, Reseı, О́zbekstan úkimetteriniń basshylary, sondaı-aq Irannyń birinshi vıse-prezıdenti qatysty.
Premer-mınıstr sózinde Memleket basshysy Qasym-Jomart Toqaev EAEO sheńberinde sıfrlandyrýdy damytýǵa erekshe kóńil bólip otyrǵanyn atap ótti. Forýmda Qazaqstan tarapy qatysýshy elder arasynda memleketaralyq derekter men elektrondy qujattar almasýǵa múmkindik beretin Odaqtyń ıntegrasııalanǵan aqparattyq júıesin tolyqqandy engizý qajettigin atap ótti.
EÚAK otyrysynda shaǵyn, sondaı-aq keńeıtilgen quramda saýda, kólik pen logıstıka, AО́K salalaryndaǵy ózara is-qımyldy odan ári nyǵaıtýdyń birlesken sharalary qaraldy.