Májiliste Qarjy jáne bıýdjet komıtetiniń tóraǵasy Tatıana Savelevanyń jetekshiligimen 2025-2027 jyldarǵa arnalǵan respýblıkalyq bıýdjet jáne Ulttyq qordan kepildendirilgen transfert týraly zań jobalarynyń tanystyrylymy ótti. Oǵan palata vıse-spıkeri Danııa Espaeva, memlekettik organdar men úkimettik emes uıymdardyń ókilderi qatysty, dep habarlaıdy Egemen.kz Májilistiń baspasóz qyzmetine silteme jasap.
Qarjy vıse-mınıstri Abzal Beısenbekuly «2025-2027 jyldarǵa arnalǵan respýblıkalyq bıýdjet týraly» zań jobasy týraly baıandama jasady. Onyń aıtýynsha, 2025 jylǵa arnalǵan kirister 21,7 trln teńge kóleminde boljanyp otyr, onyń 15,6 trln teńgesi - transfertterdi esepke almaǵandaǵy kirister. Shyǵystar 25,8 trln teńgege deıin artady. Bul rette bıýdjet aldyńǵy jyldardaǵydaı áleýmettik baǵytta qalady.
«Qazaqstan Respýblıkasynyń Ulttyq qorynan 2025-2027 jyldarǵa arnalǵan kepildendirilgen transfert týraly» zań jobasynyń normalary týraly Ulttyq ekonomıka vıse-mınıstri Azamat Ámrın baıandama jasady. Ol 2025-2027 jyldarǵa arnalǵan respýblıkalyq bıýdjetke kepildendirilgen transfert kólemi jyl saıyn 2 trıllıon teńge kóleminde belgilengenin aıtty.
Tanystyrylymnan keıin jıynǵa qatysýshylar zań jobalaryn talqylady. Olar boıynsha jumys jumys toptarynyń otyrystarynda jalǵasady. Jumys toptaryna Qarjy jáne bıýdjet komıtetiniń múshesi Erkin Ábil jetekshilik etedi. Talqylaý barysynda depýtattar tarapynan aıtylǵan usynystar men pikirler eskeriledi.