Túrkistan oblysy boıynsha «Qazsýshar» fılıaly Túlkibas aýdanynda jalpy uzyndyǵy 125 shaqyrymnan asatyn qoldanystaǵy 13 kanaldy qalpyna keltirý jobasyn júzege asyryp jatyr. Qazirgi tańda kanaldyń 42 shaqyrymy tolyq betondaldy, dep habarlaıdy Egemen.kz QR Sý resýrstary jáne ırrıgasııa mınıstrligine silteme jasap.
Keshendi qaıta jańǵyrtýdyń negizgi maqsaty - Túlkibas aýdanyndaǵy qoldanystaǵy jáne jańadan ıgeriletin 8 600 gektarǵa jýyq egis alqabyn sýarmaly sýmen turaqty qamtamasyz etý bolyp tabylady.
Merdiger mekeme rekonstrýksııalaý jumystaryn jyl sońyna deıin tolyq aıaqtaýdy josparlap otyr.
«Qurylys jumystaryn merziminde aıaqtaý úshin kanalǵa temirbeton plıtalaryn tóseımiz. Bul - kanal salý jáne rekonstrýksııalaý tájirıbesindegi tıimdi tásil», dedi Túrkistan oblysy boıynsha «Qazsýshar» fılıalynyń dırektory Qazybek Bedebaev.