Kezdesý barysynda taraptar túrli baǵyttar boıynsha yntymaqtastyq máselelerin talqylady. Dinı bilim berý salasyndaǵy birlesken jumysty nyǵaıtýǵa jáne eki eldiń ýnıversıtetteri arasyndaǵy yntymaqtastyqty arttyrýǵa basa nazar aýdaryldy, dep habarlaıdy Egemen.kz QR Mádenıet jáne aqparat mınıstrligine silteme jasap.
Aıda Balaeva eki eldi ortaq dástúrler men qundylyqtarǵa negizdelgen berik baýyrlastyq baılanystyratynyn atap ótti. Mınıstr memleketter arasyndaǵy yntymaqtastyq aıasynda ortaq rýhanı jáne mádenı qundylyqtardy ilgeriletýge ǵana emes, sonymen qatar bul qundylyqtardy qalyptastyrýǵa baǵyttalǵan jumystar júrgizilip jatqanyn atap ótti. О́ıtkeni kez kelgen din aınaladaǵy adamdarǵa degen meıirimdilikti, qaıyrymdylyqty, syılastyqty, súıispenshilikti nasıhattaıdy.
«Qazirgi álemde dinı máselelerdi túsindirý, ásirese osy baǵytta jastarmen jumys isteýge erekshe nazar aýdarý mańyzdy. Áleýmettik medıada destrýktıvti aqparat kóbeıgen jaǵdaıda jaqsyny jamannan ajyrata bilý qajet. Senimdi jáne sapaly aqparatty qamtamasyz etý úshin birlesken kúsh-jigerimizdi jumsaýymyz kerek», dedi mınıstr.
Álı Erbash mundaı kezdesýler ekijaqty qatynastardyń damýyna serpin beretinine senim bildirdi. Ol Túrkııanyń Din isteri basqarmasy Qazaqstanmen belsendi qarym-qatynasta bolyp, stýdentterdi oqytý men damytýǵa, sondaı-aq olardyń qoǵamǵa beıimdelýine kóńil bólinip jatqanyn atap ótti.
Kezdesý sońynda taraptar rýhanı-mádenı qundylyqtardy nasıhattaýǵa baǵyttalǵan jemisti jumysty jalǵastyrýǵa nıet bildirdi.