Astana polıseıleri joq páterlerdi jalǵa bergen alaıaqtardy áshkereledi, dep habarlaıdy Egemen.kz.
Polisia.kz saıtynyń jazýynsha Almaty aýdanynyń jedel qyzmetkerleri turǵyn úı naryǵynda jalǵan jarnama bergen alaıaqtardy ustaǵan.
20 jastaǵy taldyqorǵandyq jigit «Krysha KZ» saıtynda jalǵan páterlerdi jalǵa beremin dep jarnamalaǵan. Úı bólmeleriniń ádemi sýretin qoıyp, baǵasyn da qoljetimdi qylǵan. Jarqyrap turǵan jalǵan páterge qyzyǵyp habarlasqan adamdardan, aldyn ala tólem alyp otyrǵan. Polısııaǵa júgingen jábirlenýshiniń aıtýynsha páterden aırylyp qalmaý úshin 70 myń teńge aýdarǵan. Qazirgi ýaqytta polısııada osyndaı 14 jaǵdaı tirkelgen.
Sonymen qatar, memlekettik baǵdarlama arqyly turǵyn úı alýǵa kómektesemin dep san soqtyratyn alaıaqtar da bar. Olar ózderin memlekettik organnyń qyzmetkeri retinde tanystyryp, turǵyn úıdi kezeksiz, jedel alýǵa járdemdesetinin aıtady. Polıseıler osyndaı shemany qoldanyp, 10 adamdy aldaǵan alaıaqty qolǵa túsirdi. Ol ózin turǵyn úı qorynyń qyzmetkerimin dep tanystyrǵan.
Taǵy bir jaǵdaıda, 42 jastaǵy áıel Otbasy banktiń «Naýryz» jańa ıpotekalyq baǵdarlamasy boıynsha páter satyp alýdy usynyp, adamdardy aldaǵan. Ol memlekettik organdarda kómektesetin adamdary bar ekenin aıtyp, dostary men tanystaryn aldaǵan. Aldanǵan 24 azamat polısııaǵa aryz jazǵan.
Alaıaqtyqtyń barlyq faktileri boıynsha qylmystyq is qozǵalyp, osyǵan uqsas qylmystarǵa qatystylyǵy tekserilip jatyr.