Referendým ótkizý jónindegi ortalyq komıssııa aýqymdy jumys atqardy. Referendým jarııalanǵan kúnnen bastap bir aı ishinde ýchaskelik komıssııalardyń qyzmetkerlerin oqytý, trenıng, semınar ótkizý, tehnıkalyq jaraqtandyrý, referendýmda daýys berýshilerdiń tizimin jasaý boıynsha orasan zor uıymdastyrýshylyq-tehnıkalyq jumys júrgizildi.
Halyqaralyq mıssııalardyń qyzmetkerleri referendým ótkizý jónindegi ortalyq komıssııanyń qyzmetkerlerimen birneshe ret kezdesip, referendým ótkizý jónindegi ýchaskelik jáne okrýgtik komıssııalarǵa bardy. Ásirese tabıǵı apattan zardap shekken óńirler basty nazarda boldy. Ondaǵy halyqtyń naýqanǵa atsalysýy, ýchaskelerdiń daıyndyǵy men halyqaralyq standartqa saı ótýi qadaǵalandy.
TMD baıqaýshylary Shanhaı yntymaqtastyq uıymy, Túrki memleketteri uıymy jáne AО́SShK ókilderimen tyǵyz baılanysta jumys istedi. Ázerbaıjan, Belarýs, Qyrǵyzstan, Tájikstan, О́zbekstan, Reseı elderinen 74 adam akkredıtteldi. Buǵan qosa mıssııanyń quramyna TMD Atqarý komıtetiniń qyzmetkerleri kiredi.
TMD elderinen kelgen 74 baıqaýshy eldiń 9 óńirindegi daýys berý ýchaskelerine bardy. Bul – Aqmola, Shyǵys Qazaqstan, Batys Qazaqstan, Mańǵystaý, Túrkistan oblystary men Astana, Almaty, Shymkent qalalary.
Atom elektr stansasyn salý máselesi boıynsha jalpyulttyq referendýmda daýys berý referendýmdar men saılaý naýqandaryn ótkizýdi reglamentteıtin eldiń ishki zańnamasyna sáıkes ótti. Qazaqstanda buǵan deıin ótken saılaý naýqandaryna baqylaý júrgizý tájirıbemizge súıene, zań buzýshylyq bolmaıdy dep boljadyq. Referendýmǵa qatysqan azamattardyń belsendiligi men mádenıeti joǵary deńgeıde ekenin baıqadyq.
Leonıd ANFIMOV,
TMD baıqaýshylar mıssııasynyń basshysy