Ilon Masktyń ónertabystaryn jıi jazamyz. Sıfrlyq álemge kózdi ashyp-jumǵansha jańalyq «syılap» jatady. Sebebi ol «Erte me, kesh pe, áıteýir bir kúni ózimiz belgilegen shekaradan shyǵýǵa týra keledi. Iаkı tarlyq etken kókjıek sheńberimizdi keńeıtemiz, ıa ózgerissiz ólýge májbúr bolamyz» degen oıdy qundylyqqa aınaldyrǵan. Súıikti isiniń tabynýshysyna aınalǵan Ilon bul joly ne istedi eken?
Jasandy ıntellektiniń ákesi Ilon Tennessıden (AQSh) úlken derekter ortalyǵyn ashty. «SpaceX» negizin qalap, ortalyqtyń ataýyn «AI Colossus» dep qoıdy. Túsindirip óter bolsaq, bul ataýdy Ekinshi dúnıejúzilik soǵys kezinde derekterdi dekodtaýda qoldanylǵan alǵashqy elektrondy esepteý qurylǵysyna baılanysty qoıǵan.
Al orasan ortalyq álemdegi eń qýatty sıfrlyq qamalǵa aınalmaq. Munda 100 000-nan asa chıp bar. Senesiz be, bul ǵalamshardaǵy kez kelgen jasandy ıntellekt júıesinen kóp. Jaqynda mıllıarder «Colossus» paıdalanýǵa berildi dep ózi habarlady. Onyń jumysynda 100 000-nan asa «NVIDIA H100» grafıkalyq prosessorlary qoldanylady.
– Bizdiń komanda «Colossus» oqý klasterin onlaın rejimde iske qosty. Jumys 122 kúnde bitti. Qazir alyp alań álemdegi eń qýatty oqytý júıesine aınalyp otyr. Birneshe aıdan keıin chıpteriniń sany 200 000-ǵa deıin artady, – dep jazdy Mask.
Masktiń «xAI» dep atalatyn kompanııasy jasandy ıntellekt tóńkerisin jasap keledi. Endi taǵy ne ister eken?