Túrkistan qalasynda «Qajymuqan» kórkem fılminiń kórsetilimi ótti.
«Turan mall» saýda ortalyǵynyń «Prime Sinema» kınoteatrynda ótken kórsetilim aldynda fılmniń qoıýshy rejısseri Qanaǵat Mustafın, Qajymuqan rólin somdaǵan Erbol Tólepbergen, Qajymuqannyń jary rólindegi Jazıra Erkin, fılmniń prodıýserleri – Baýyrjan Qulmyrzaev, Nurjan Jumanov kórermenderge túsirilim barysy týraly baıandap berdi. Fılm rejısseri Qanaǵat Mustafın tarıhı fılm ssenarııine 2012 jyly kirisip, taqyrypty 10 jyldan astam ýaqyt zerttegen. Keıipkerdiń jas jáne qart shaǵyn, aǵaıyndy Dıas pen Erbol Tólepbergen somdaǵan. Al fılmdi túsirýge 80-nen astam maman men 40-qa jýyq akter qatysqan. Joba quny – 600 mln teńge. Tarıhı týyndynyń tanystyrylymyna qatysqan Túrkistan oblysy ákiminiń orynbasary Ertaı Altaev shyǵarmashylyq topty quttyqtap, Qajymuqannyń jetistikterin ulyqtaı otyryp, úlgi tutý qajettigin aıtty.
«Qajymuqan» tarıhı kórkem fılmi Mádenıet jáne aqparat mınıstrliginiń jáne Ulttyq kınony qoldaý memlekettik ortalyǵynyń qoldaýymen qazaq halqynyń tarıhyndaǵy tuńǵysh kásipqoı balýan, fransýz kúresinen álem chempıony atanǵan tuńǵysh qazaq, álemdik, óńirlik, reseılik, keıin búkilodaqtyq chempıonattardyń birneshe dúrkin jeńimpazy Qajymuqan Muńaıtpasuly jaıynda túsirilgen. Sonymen birge dala batyrynyń halqyna degen súıispenshiligi, sol zamandaǵy saıasat, eldiń aýyr jaǵdaıy da sýrettelgen.
TÚRKISTAN