Almatyda erli-zaıyptylar óz betimen mektepke ketip bara jatqan dimkás oqýshyǵa shabýyl jasaǵan, dep habarlaıdy Egemen.kz.
Oqıǵa vıdeoǵa túsip qalǵan. Ony bloger Taır Jıǵanbaev óziniń Instagram-daǵy paraqshasyna jarııalady. Onyń aıtýynsha, Ramazan esimdi oqýshy mektepke velosıpedpen bara jatqan. Biraq aldynan beıtanys er adam shyǵyp, eki ıtimen onyń jolyn kes-kestegen. Ary qaraı ótkizbeýge tyrysqan.
«Ol menen qaıda bara jatqanymdy surap, beıádep sóz aıtty. Velosıpedpen kele jatqan jyldamdyǵym 20 km/saǵ bolatyn. Sózderge shydamaı, jaýap qaıtardym, sodan keıin tóbeles bastaldy. Ol meni tunshyqtyra bastady. Men tahıkardııamen aýyramyn, odan ólip qala jazdadym. Denem qyzaryp ketti, jaralar kóp. Aınalamda shamamen 10 adam boldy. Barlyǵy derlik er adamdar, biraq eshkim kómektespedi. Ony jazasyz qaldyrmaýdy suraımyn. Janymda áıel de boldy, ol maǵan beınejazbany óshir dedi. Áli de tynys alýym qıyn, júregim aýyryp tur», deıdi jábirlenýshi.
Tóbeleske qatysty quqyq qorǵaý organdary áli resmı túsinik bergen joq.
View this post on Instagram