№2 Medeý aýdandyq sotynyń úkimimen Ýnıversıtettiń «Saımasaı» oqý-tájirıbelik sharýashylyǵynyń dırektory qylmys jasaǵany úshin kináli dep tanylǵan, dep habarlaıdy Egemen.kz Almaty qalasy prokýratýrasynyń baspasóz qyzmetine silteme jasap.
Qala prokýratýrasy Qazaq ulttyq agrarlyq zertteý ýnıversıtetiniń jalǵan tuqym egý jáne egý oryndaryn óńdeý jolymen bıýdjet qarajatyn urlaý faktisi boıynsha sotqa deıingi tergep-tekserý amaldaryn aıaqtaǵan.
Buǵan deıin Bas prokýratýranyń tapsyrmasymen Ýnıversıtettiń qyzmetine tekserý júrgizilgen, onda 2020 jyly Ýnıversıtet jalpy somasy 43,8 mln teńgege qant júgerisiniń tuqymyn, «ammofos» mıneraldy tyńaıtqyshy men ammıakty selıtrasyn satyp alýǵa memlekettik satyp alý týraly 3 shart jasasqany anyqtalǵan.Tekserý nátıjesi joǵaryda atalǵan taýarlardyń is júzinde jetkizilmegenin, aqsha qarajatynyń qolma-qol aqshaǵa aınaldyrylǵanyn kórsetken.
«№2 Medeý aýdandyq sotynyń úkimimen Ýnıversıtettiń «Saımasaı» oqý-tájirıbelik sharýashylyǵynyń dırektory Qylmystyq kodekstiń 189-baby 4-bóliginiń 2-tarmaǵynda kózdelgen qylmysty jasaǵany úshin kináli dep tanylyp, 7 jylǵa shartty túrde bas bostandyǵynan aıyrýǵa sottaldy», delingen prokýratýra habarlamasynda.
Keltirilgen zalal tolyq kólemde ótelgen.Úkim zańdy kúshine endi.