Pavlodarda órt sóndirýshiler janarmaı quıý beketi aýmaǵynda bolǵan jarylystyń aldyn aldy. О́rt týraly habar búgin saǵat 10:48-de túsken. Anyqtalǵandaı, jerasty gaz sısternasy janyp ketken, dep habarlaıdy Egemen.kz.
Pavlodar oblysy Tótenshe jaǵdaılar departamentiniń málimetinshe, órt shyǵys óndiristik aımaqta bolǵan. Jibek joly kóshesindegi janar-jaǵarmaı quıý beketiniń aýmaǵynda syıymdylyǵy 3 tekshe metr jerasty gaz sısternasy janyp ketken. Oqıǵa ornyna 24 birlik tehnıka men 60 qutqarýshy jiberilgen.
«Avtojýý ornyn jylytýǵa arnalǵan jerasty gaz ustaǵyshynda, sondaı-aq avtojýý ornynyń birinshi qabatynda (jabyn, jabdyqtar) gaz-aýa qospasynan órt shyqqany anyqtaldy. О́rt sóndirýshilerdiń jedel jáne kelisilgen is-áreketiniń arqasynda órt pen jarylystyń taralýyna tosqaýyl qoıyldy», dep habarlady Pavlodar oblysynyń Tótenshe jaǵdaılar departamenti.
О́rt eki saǵattan astam ýaqyttan keıin ǵana sóndirilgen. Qyzyl jalyn 41,5 sharshy metr aýmaqqa taralǵan.
Zardap shekkender joq. О́rttiń shyǵý sebebi anyqtalyp jatyr.