Aqtóbe oblysynyń Hromtaý jáne Muǵaljar aýdandary prokýratýralary mektepke deıingi mekemelerde 240 mln teńgeden astam bıýdjet qarajatyn talan-tarajǵa salý faktilerin anyqtady, dep habarlaıdy Egemen.kz.
«Bıýdjet qarajattary jumysshylarǵa qosymsha syılyqaqy berýde bıýdjettik ótinimderdi negizsiz joǵarylatý arqyly ıemdenilgen.Baqylaýsyz ózgerister engizilip, onyń ishinde basshylarǵa syılyqaqy berý týraly buıryqtarǵa somalardy asyra kótergen. Iemdenip alý shemalary jalaqyny belgilengen normadan tys aýdarý, aýdarymdardy qaıtalaý, jalǵan issaparlar arqyly júzege asyrylǵan», dep habarlady oblystyq prokýratýranyń baspasóz qyzmeti.
Sonymen qatar, esepshilerdiń biri keıbir qyzmetkerlerge joǵarylatylǵan jalaqy, qosarlanǵan eńbek demalysy men issapar tólemderin zańsyz esepteý arqyly jalpy kólemi 24 mln teńgeden astam qarajatty ıemdengen. Anyqtalǵandaı, osy qarajattar eshqandaı negizsiz esepshiniń nemese balabaqsha meńgerýshisiniń jeke esepshottaryna aýdarylǵan.
Aýdan prokýratýralarymen aýdandyq bilim bóliminiń burynǵy basshylaryna, 3 balabaqsha meńgerýshileri men 4 esepshilerine qatysty QK-tiń 189-babynyń 4-bóliginiń 2-tarmaǵymen (asa iri mólsherde cenip tapsyrylǵan bóten múlikti ıemdenip alý nemese talan-tarajǵa salý) sotqa deıingi tergep-tekserý amaldary bastalǵan.
Aıta keteıik, barlyq kórsetilgen faktiler boıynsha Sybaılas jemqorlyqqa qarsy kúres qyzmetimen sotqa deıingi tergep-tekserý amaldary júrgizilip jatyr.