Qazaqstan tarıhynda tuńǵysh ret eki muǵalim birden «Qazaqstan Eńbek Eri» ataǵyn aldy

«Qazaqstannyń Eńbek Eri» ataǵy otandyq ǵylymdy damytýdaǵy aıryqsha jetistikteri, sondaı-aq qoǵamdyq qyzmettegi asa úzdik eńbegi úshin Prezıdent janyndaǵy Qazaqstan Respýblıkasy Ulttyq ǵylym akademııasynyń vıse-prezıdenti A.Jumadildaevqa, eldiń áleýmettik-gýmanıtarlyq damýyndaǵy asa úzdik jetistikteri úshin Almaty qalasy №4 arnaıy mektep-ınternatynyń muǵalimi G.Nurpeıisovaǵa, Oral qalasy A.Taımanov atyndaǵy №34 mektep-gımnazııasynyń muǵalimi E.Traısovaǵa jáne óndiristik qyzmettegi erekshe eńbegi úshin Qaraǵandy oblysy «Shahterskoe» jaýapkershiligi shekteýli seriktestiginiń dırektory G.Prokopqa berildi.

«Otan» ordenimen Kardıohırýrgııa jáne transplantologııa ǵylymı-klınıkalyq ortalyǵynyń dırektory S.Joshybaev pen kórnekti aqyn, Memlekettik syılyqtyń laýreaty N.Orazalın marapattaldy.

I dárejeli «Barys» ordeni Parla­ment Májilisi tóraǵasynyń oryn­basary A.Raýǵa, R.Baǵlanova atyn­daǵy «Qazaqkonsert» mem­le­kettik aka­demııalyq kon­serttik uıymy­nyń ártisi N.О́nerbaıǵa, eńbek arda­gerleri Q.Jaqypovqa, О́.Oz­ǵan­baevqa, V.Redkokashınge, S.Shákiratqa, Almaty qalasy «Persona» halyqara­lyq klınıkalyq reprodýktologııa ortalyǵynyń basshysy V.Lokshınge, II dárejeli «Barys» ordeni Qazaqstan­nyń Germanııa Federatıv­tik Respýb­lıkasyndaǵy Tóten­she jáne ókiletti elshisi N.Onjanovqa jáne eńbek ar­dageri J.Sháripovke, III dáre­jeli «Barys» ordeni Premer-Mınıstrdiń orynbasary T.Dúısenovaǵa, shahmattan álem chempıony B.Asaýbaevaǵa, Qyzylorda oblysynyń ákimi N.Nálibaevqa, Taraz qalalyq Qoǵamdyq keńesiniń tóraǵasy S.Seıdázimovke tabystaldy.

Sonymen qatar bir top belgili ǵalym, mádenıet, bilim salasynyń qaıratker­leri jáne óndiris ókilderi, mem­lekettik qyzmetkerler «Parasat» ordeniniń ıegeri atandy. Olardyń qataryn­da Almaty qalasy «Akýsher­lik, gınekologııa jáne perı­natologııa ǵylymı orta­lyǵy» aksıonerlik qoǵamy dırektorlar keńesi­niń tóraǵasy Z.Amanjolova, Qyzylorda oblysy Shıeli aýdanyndaǵy «Arǵymaq» jaýapkershiligi shekteýli seriktestiginiń dırektory O.Baıdilda, «Qazaqstan avtorlar qoǵamy» res­pýb­lıkalyq qoǵamdyq bir­lestiginiń bas dırektory B.Esenálıev, Qazaq ulttyq óner ýnıversıtetiniń professory H.Qalılambekova, S.Seıfýllın atyndaǵy Qaraǵandy oblystyq qazaq drama teatrynyń ak­teri K.Kemalov, M.Áýezov atyn­daǵy ádebıet jáne óner ınstıtýtynyń bas dırek­tory K.Maty­janov, Túrkistan oblysynyń ákimi D.Satybaldy, «Maǵjan» ádebı-kórkem jýrnalynyń bas redak­tory J.Súleımenov, Shymkent qalasy­nyń ákimi Ǵ.Syzdyqbekov, M.Áýezov atyn­daǵy Qazaq ulttyq drama teatry­nyń aktrısasy D.Temirsultanova bar.

Ultaralyq beıbitshilik­tiń damýyna sińirgen eleýli eń­begi úshin «El birligi» ordeni­men Qazaqstan halqy Assam­bleıasynyń múshesi S.Geroev, kúrd­terdiń «Bar­bang» qaýym­dasty­ǵynyń tóraǵasy A.Alıev, «Mısva» qaýymdastyǵynyń tóraǵasy A.Baron jáne «Dınar-Elektromash» jaýap­ker­shi­ligi shekteýli seriktestiginiń teń qu­ryl­taıshysy S.Vıshnıak marapattaldy.

Elimizdiń damyp, órken­deýine eleýli eńbegi sińgen bir top azamat, sonyń ishinde Almaty qalasyndaǵy «Bal­dáýren» balalardy ońaltý ortalyǵy» KMK dırek­tory Sh.Abesov, «Astana» halyq­aralyq qarjy ortalyǵy­nyń basqarý­shysy R.Bek­turov, Astana qalalyq Jas kórermender teatrynyń aktrısasy S.Eslıamova, skrıpkashy J.Serkebaeva, Qosshy qalasyndaǵy mektep-gımna­zııanyń dırektory D.Asqarova «Qurmet» ordenimen marapattaldy.

Buǵan qosa ónerkásip, transport, qurylys, aýyl sharýashylyǵy jáne basqa da óndiris salalarynyń ju­mysshylary men eńbek­kerleri II jáne III dárejeli «Eńbek dańqy» ordenin ıelendi. «Qazaq­stannyń eńbek sińirgen qaı­ratkeri» qurmetti ataǵy ǵylym jáne mádenıettiń kórnekti ókilderine tabystaldy.

Qazaq ádebıetiniń kórnekti ókilderi, aqyn-jazýshylar T.Medetbek, V.Mıhaılov jáne I.Saparbaı «Qazaqstannyń halyq jazýshysy» ataǵyna ıe boldy. «Qazaqstannyń halyq ártisi» qurmetti ataǵy elimizdiń kórnekti mádenıet qaıratkerleri: teatr jáne kıno akterleri K.Juma­bekovke, L.Kádenge, O.Kor­jevaǵa, I.Lebsakqa, R.Mah­pırovaǵa, G.Shyntemirge jáne Á.Ydyryshevqa, opera ánshi­leri M.Muhamedqyzy men J.Bas­­paqovaǵa, dırıjer A.Mu­­hıt­dınov pen kúıshi S.Tu­­rys­bekke, sondaı-aq bel­gili ánshi M.Ilııasovaǵa berildi.

Sonymen qatar bıyldan bastap qur­metti ataqtar qataryna «Qazaq­stannyń eńbek sińirgen dárigeri» ata­ǵy qosyldy. «Ulttyq ǵylymı medısınalyq ortalyǵy» ak­sıonerlik qoǵamynyń bas dırektory A.Baıgenjın, «Ulttyq ǵyly­mı onkologııa ortalyǵy» jaýap­kershiligi shekteýli seriktestigi gemato­logııa ortalyǵynyń basshysy V.Kemaıkın jáne Qaraǵandy oblystyq klınıkalyq aýrý­hanasynyń dárigeri B.Shaı jańa qurmetti ataqtyń alǵash­qy ıegerleri atandy.

Áskerı jáne qyzmettik boryshyn úlgili atqarǵany, zańdylyq pen quqyqtyq tártipti qamtamasyz etýde, eldiń ulttyq qaýipsizdigi men qorǵanys qabiletin nyǵaıtý kezinde kórsetken erligi úshin áskerı qyzmetshiler men quqyq qorǵaý organdary ókilderiniń bir toby I jáne II dárejeli «Dańq» ordenimen, II jáne III dárejeli «Aıbyn» ordenimen, «Erligi úshin» jáne «Jaýyngerlik erligi úshin» medaldarymen marapattaldy. Atap aıtqanda, sýǵa batyp bara jatqan adamdy qutqarǵany úshin R.Qoshqarbaev atyndaǵy III dárejeli «Aıbyn» ordenimen Ulttyq ulannyń «Shyǵys» óńirlik qolbasshylyǵy­nyń aǵa jaýyngeri J.Perma­bek, «Erligi úshin» medali­men Pavlo­dar oblysy polısııasynyń ýchas­­kelik aǵa ınspektory E.Qoıken, Aqtóbe qalasynyń polı­­sııa ınspektory F.Nur­manov, Taldyqorǵan qalasy­nyń polısııa ınspektory S.Serikqalıuly, jasóspirimdi órtten qutqarǵany úshin Atyraý qalasy polısııasy­nyń ýchaskelik ınspektory D.Qorǵanbaev nagradtaldy.

Jalpy, bıylǵy mem­le­kettik nagradalardy taǵa­ıyn­­daýda qarapaıym ju­mys­shylardyń mártebesin asy­rý­ǵa, eńbek áýletteriniń qo­ǵam­daǵy abyroı-bedelin art­tyrýǵa aıryqsha mán beril­di. Marapat ıeleriniń qatarynda 450-den asa jumysshy, 137 pedagog, 80-nen asa ǵalym, 100-ge jýyq qutqarýshy men erikti bar.

Eńbek dınastııalaryn marapattaý dástúri bıyl da jalǵasyn tapty. Bul joly muǵalimder, óndirisshiler, temirjolshylar áýletteri qurmetke bólendi.