Qazir elimizde sheteldik joǵary oqý oryndarynyń fılıaldary kóptep ashylyp jatyr. Mundaı úrdis izdenýshilerge óz Otanynan alysqa uzamaı-aq halyqaralyq deńgeıdegi mamandardan sabaq alýǵa jaǵdaı jasady.
Sondaı múmkindiktiń úlgisin Aqtóbe qalasyndaǵy brıtandyq Herıot-Ýott ýnıversıtetiniń kampýsynda sheteldik oqytýshylardyń dáris maýsymyn bastaǵanynan kórip otyrmyz. Stýdentter tájirıbeli mamandardyń dáristerinen sapaly halyqaralyq bilim nárin sińirýge múmkindik aldy. Bul týraly Ǵylym jáne joǵary bilim mınıstrligi habarlady.
Ǵylym jáne joǵary bilim mınıstrligi taratqan aqparatqa súıensek, joǵaryda atalǵan sheteldik ýnıversıtettiń oqytýshylary resmı túrde óz qyzmetin bastap, stýdentterge dárister oqyp jatyr. Bul oqytýshylardyń árqaısysy óz salasynda mol tájirıbesi men bilimi bar, halyqaralyq deńgeıde tanylǵan mamandar. Sonyń biri – Santıago Veıntımıla, aǵylshyn tili oqytýshysy ári ınjenerııa salasynyń mamany. Ol Ekvadorda dúnıege kelip, Ekvador Ortalyq ýnıversıtetin munaı ınjeneri mamandyǵy boıynsha támamdaǵan. 2021–2023 jyldary Nazarbaev ýnıversıtetinde ǵylym magıstri dárejesin alyp, Taý-ken isi jáne geoǵylymdar mektebinde ýran zertteý tobyn basqarǵan. Osyǵan qosa Santıago Ekvadordyń iri kásiporyndarynda ınjener retinde jumys istep, kásibı tájirıbe jınaqtaǵan, aǵylshyn tilin oqytý boıynsha «CELTA» sertıfıkatyn alǵan.
Dáris berip jatqan oqytýshylardyń ekinshisi – Iаsır Ýmaır, CMOS bazasyndaǵy joǵary jyldamdyqty RFID-tehnologııalar salasyndaǵy sarapshy, elektrtehnıka magıstri, radıojıilik júıe boıynsha (LNA, VCO, RFID, PA) jetekshi jobalardy atqarǵan BUPT RF-zerthanasynyń jetekshi ǵylymı qyzmetkeri. Sondaı-aq Qytaıdaǵy eń iri tehnologııalyq kompanııalardyń jobalaryna qatysqan. Oqytýshy «Beijing University of Posts and Telecommunications» (BUPT) qytaı ýnıversıtetin radıojıilik ıntegraldy shemalary mamandyǵy boıynsha bitirdi. Sonymen qatar Shvesııadaǵy Linköping University-de magıstr dárejesin aldy. Vah ýnıversıtetiniń (Pákistan) elektrtehnıka kafedrasynda oqytýshy bolyp jumys istedi. Doktor Iаsır Schlumberger jáne OGDCL sııaqty álemdik deńgeıdegi munaı jáne gaz salasyndaǵy jetekshi kompanııalarda taǵylymdamadan ótip, munaı ónerkásibindegi jumys pen tehnologııalardy tereń zerttegen.
Osyndaı halyqaralyq deńgeıdegi oqytýshylardyń tájirıbesi men saraptamasy Herıot-Ýott ýnıversıtetiniń Aqtóbedegi kampýsyndaǵy stýdentterge álemdik deńgeıdegi bilim alýǵa múmkindik beredi.