27 qazan túnde elordalyq qutqarýshylar lıft ishinde qalyp qoıǵan 3 turǵyndy aman-esen shyǵardy, dep jazady Egemen.kz.
Oqıǵa Saryarqa aýdanyndaǵy kóp qabatty turǵyn úıleriniń birindegi lıftte bolǵan.
Turǵyndar jedelsaty qyzmetine jaýapty mekemege júgingen. Mamandardy kútip turǵanda ishtegi áıeldiń tynysy tarylyp, ózin jaısyz sezine bastaǵan soń 112 qyzmetine qońyraý shalǵan.
Shaqyrý ornyna kelgen qutqarýshylar gıdravlıkalyq quraldardyń kómegimen lıft esigin ashyp, turǵyndardy shyǵaryp alǵan.