Qazaqstan Respýblıkasynyń Bas prokýratýrasy Qazaqstan azamatyn asa iri kólemde alaıaqtyq jasaǵany úshin qylmystyq jaýapkershilikke tartý maqsatynda Qyrǵyz Respýblıkasynan ekstradısııalady, dep habarlaıdy Egemen.kz.
Bas prokýratýranyń málimetinshe, kúdikti 2023 jyly Almatyda jeldetýge arnalǵan bólshekter men kondısıonerlerdi jetkizemiz degen syltaýmen kásipkerdiń 75 mıllıon teńgeden astam qarjysyn jymqyrǵan.Qylmys jasaǵannan keıin kúdikti qashyp ketken, sol sebepti ol halyqaralyq izdeýge jarııalanǵan. 2024 jyldyń mamyr aıynda alaıaq Bishkek qalasynda ustalyp, odan keıin Qazaqstan Respýblıkasy Bas prokýratýrasynyń suraýy boıynsha elge ekstradısııalandy.Qazirgi ýaqytta kúdikti Almaty qalasynyń ýaqytsha ustaý ızolıatorynda otyr. Aıyptalǵan qylmys úshin múlki tárkilenip, bes jyldan on jylǵa deıingi merzimge bas bostandyǵynan aıyrý jazasy qarastyrylǵan.