«Qazaq gazetteri» jaýapkershiligi shekteýli seriktestiginde eki birdeı kadrlyq taǵaıyndaý ótti. Jańa qyzmetkerlerdi ujymǵa Mádenıet jáne aqparat vıse-mınıstri Qanat Ysqaqov tanystyrdy, dep habarlaıdy Egemen.kz.
Bas dırektordyń birinshi orynbasary qyzmetine belgili jýrnalıst Vıktor Prıanıkov taǵaıyndaldy.
«Vıktor Valerıanovıch – aqparat salasynda biraz jyl qajyrly eńbek etip, mol tájirıbe jınaqtaǵan bilikti qyzmetker. Gazet isiniń qyr-syryn jaqsy meńgergen azamat. Eńbek ótilinde «Kazahstanskaıa pravda» ujymyna da alabótendigi joq. Eń bastysy qatardaǵy tilshilerdiń jumysynyń aýanymen, onyń atqarylý úderisimen jiti tanys maman», dedi Q.Ysqaqov.
Sondaı-aq Bas dırektordyń orynbasary qyzmetine Aıgúl Baıhanova taǵaıyndaldy. Vıse-mınıstr jańa qyzmetkerge úlken jaýapkershilik artylyp otyrǵanyn aıtyp, seriktestik jumysynda qarjylyq tártip, qyzmetkerlerdiń eńbek quqy men olardyń tıisti deńgeıde materıaldyq qamtamasyz etilýine basty nazar aýdarý kerektigin jetkizdi.
О́z kezeginde Bas dırektor Dıhan Qamzabekuly Mádenıet jáne aqparat mınıstrligi men seriktestiktiń birlese otyryp jasaǵan osy kadrlyq taǵaıyndaýlary gazet jumysynyń sapasyna oń yqpal tıgizetine senim bildirdi.