Mádenıet jáne aqparat mınıstrliginiń resmı saıtynda ata-analardyń balalaryn qadaǵalaýyna arnalǵan qosymshalarǵa sholý jasady. Qosymshalar onlaın-áreketterdi qadaǵalaýǵa jáne qurylǵylardy paıdalaný ýaqytyn baqylaýǵa kómektesedi, dep habarlaıdy Egemen.kz.
«Qazirgi ýaqytta aqparattyq tehnologııalar, uıaly baılanys pen teledıdardyń mańyzy arta tústi. Internet tek aqparat kózi ǵana emes, sonymen qatar qarym-qatynas, oıyn-saýyq jáne bilim berýdiń ámbebap ortasyna aınaldy. Internet qoldanýshylarynyń sany da kún saıyn artyp keledi. Internettiń úzdiksiz ósýine jáne aýqymynyń keńeıýine baılanysty ondaǵy zańsyz materıaldardyń da sany kóbeıip jatyr. Qazirgideı sıfrlyq álemde balalardy jelidegi qaýipterden qorǵaý mańyzdy máselege aınaldy. Memlekettik organdar osyndaı qaýipterge qarsy turý úshin barlyq qajetti sharalardy qabyldap jatyr», delingen mınıstrliktiń habarlamasynda.
Ata-ana baqylaýyna arnalǵan tanymal qosymshalar:
Kaspersky Safe Kids: saıttardy buǵattaý, geolokasııa, belsendilik týraly esepter. Dr.Web Security Space: antıvırýs jáne ata-ana baqylaýy, kontentti súzý. Qustodio (Ispanııa): kontentti súzý, ekran ýaqytyn shekteý, áleýmettik jelilerdi baqylaý. Net Nanny (AQSh): kontentti buǵattaý, ekran ýaqytyn shekteý jáne ornalasqan jerdi qadaǵalaý. Norton Family: saıttardy súzý, paıdalaný ýaqytyn shekteý jáne izdeý suraýlaryn qadaǵalaý. Kidslox: ekran ýaqytyn shekteý, qosymshalardy buǵattaý jáne ornalasqan jerdi qadaǵalaý. Parental Control Kroha (Ýkraına): qosymshalardy buǵattaý, veb-baqylaý, belsendilikke monıtorıng jasaý. Google Family Link: Android júıesinde belsendilikti baqylaýǵa arnalǵan tegin qosymsha. Ata-ana men balanyń qurylǵylaryna ornatý qajet. Kidlogger: belsendilikti qadaǵalaýǵa múmkindik beretin passıvti baqylaý. Kiristirilgen múmkindikter: Android úshin Google Play arqyly, iOS úshin — geopozısııany qadaǵalaý úshin «Ekran ýaqyty» jáne «Ornalasqan jerdi anyqtaý». TikTok Family Pairing: jasóspirimderdiń TikTok qoldanýyn baqylaý, ekran ýaqytyn shekteý jáne kontentti súzý múmkindigimen.