Almaty oblysyndaǵy Qara kanonda aspaly shyny kópir salynady. Onyń quny 1,5 mlrd teńgege baǵalanyp otyr, dep habarlaıdy Egemen.kz.
Oblys ákimdiginiń habarlaýynsha, «ASK Capital» JShS Qara kanonnyń týrıstik aımaǵynda aspaly kópir salýdy josparlap otyr.
«Jobanyń quny – 1,5 mıllıard teńge. 50 jańa jumys orny ashylady. Jobany júzege asyrý merzimi - 2025-2026 jyldar», delingen habarlamada.
Týrıstik aımaqty damytý úshin Qara kanonǵa elektr jelisin qosýǵa 87 mıllıon teńge bólingeni atap ótildi. Sondaı-aq 400 mıllıon teńge ınvestısııa tartylǵan.
Shyny kópir 80 metr bıiktikte ornatylady. Onyń uzyndyǵy - 170 metr jáne 500 adamnyń salmaǵyn kótere alady.