Mádenıet jáne aqparat mınıstrliginde Birikken Arab Ámirlikteriniń Qazaqstandaǵy Ýaqytsha senimdi ókili Aısha Álmesmarımen eki el arasynda mádenıet salasyndaǵy yntymaqtastyqty nyǵaıtý maqsatynda kezdesý ótkizildi, dep habarlaıdy Egemen.kz.
Kezdesýde saladaǵy ózara is-qımyldy nyǵaıtý jáne eki memleket arasyndaǵy mádenı baılanystardy damytýǵa baǵyttalǵan birlesken jobalar men bastamalardy iske asyrý múmkindikteri talqylandy.
Mádenıet jáne aqparat vıse-mınıstri Aızada Qurmanova Qazaqstan men BAÁ halyqaralyq yntymaqtastyqty júzege asyrý úshin qajetti sharalardy belsendi túrde iske asyryp jatqanyn atap ótti. Vıse-mınıstr teatr óneri salasynda ótkiziletin birlesken is-sharalarǵa toqtalyp, «Astana Operanyń» Birikken Arab Ámirlikterine aldaǵy gastrolderin, otandyq dızaınerler men qolónershilerdiń Shardja qalasynda ótetin Dúnıejúzilik mádenı mura aptalyǵyna qatysatynyn aıtty.
О́z kezeginde Aısha Álmesmarı Birikken Arab Ámirlikteri eki el arasyndaǵy mádenı baılanystardy odan ári damytýǵa múddeli ekenin jetkizdi.
Sondaı-aq kezdesýde 2025 jylǵy sáýirde Abý-Dabı qalasynda ótetin mádenı sammıt týraly jáne Qazaqstannyń osy is-sharaǵa shaqyrylǵany aıtyldy.