Pavlodar oblysyndaǵy Atameken – Rýsskaıa Polıana avtojolynda eki kólik soqtyǵysyp, jańa týǵan náreste kóz jumdy, dep habarlaıdy Egemen.kz.
Pavlodar oblystyq PD baspasóz qyzmetiniń málimetinshe, Aqsý óńiriniń Rebrov aýylynyń mańyndaǵy Atameken – Rýsskaıa Polıana avtojolynda «Lada Granta» jáne «BMV» markaly kólikter soqtyǵysqan.
«Jol-kólik oqıǵasy saldarynan Lada avtokóliginde bolǵan sábı kóz jumdy. Bala jaqynda ǵana dúnıege kelgen, qyrqynan da shyǵyp úlgermegen. Eki kóliktiń de júrgizýshileri zardap shekken, olar aýrýhanaǵa jetkizildi. Oqıǵa ornynda polısııa qyzmetkerleri jumys istep jatyr. Oqıǵanyń mán-jaıy men sebepteri anyqtalyp jatyr», delingen PD habarlamasynda.