Donald Tramp bıznesmen Ilon Maskqa jańadan qurylatyn Úkimette Tıimdilik mınıstrligin basqarýdy usyndy, dep habarlaıdy Egemen.kz.
Mıllıarder bul qyzmetti bıznesmen Vıvek Ramasvamımen birlese atqarady. Ol buryn respýblıkalyq partııa atynan prezıdenttikke kandıdat bolǵan edi. Tramptyń málimdeýinshe, ekeýi birlese úkimettik bıýrokratııany joıýǵa, shekten tys retteýdi azaıtýǵa, ysyrap shyǵyndardy qysqartýǵa, federaldyq agenttikterdi qaıta qurýǵa jol ashady. Jańa mınıstrlik keń aýqymdy qurylymdyq reformalar júrgizý úshin Aq úımen jáne Bıýdjet basqarmasymen birge jumys isteıdi.
Sonymen birge Tramp Pentagon basshysy qyzmetine Fox News telearnasynyń júrgizýshisi Pıt Hegsetti, al Ortalyq barlaý basqarmasy jetekshiligine Ulttyq barlaýdyń burynǵy dırektory Djon Retklıffti usyndy. Senator Marko Rýbıoǵa Memlekettik hatshy laýazymy buıyrýy múmkin.