Pavlodarda Balalar úıiniń 16 jastaǵy tárbıelenýshisi júkti bolyp qaldy. Úsh aptalyq júktilik faktisi medısınalyq tekserýmen rastaldy, dep habarlaıdy Egemen.kz.
Pavlodarnews.kz basylymynyń jazýynsha, oblys ortalyǵynda balalar úıiniń birinde kámeletke tolmaǵan qyzdyń aıaǵy aýyr bolyp qalǵany týraly aqparatty bala quqyqtary jónindegi óńirlik ýákili Sáýle Shákenova rastady.
- Qyz 16 jasqa keldi. Ol zorlyq-zombylyq faktisin joqqa shyǵarady. О́zara kelisim boıynsha baılanysqa túskenin aıtady. Al Qazaqstan Respýblıkasynyń zańnamasyna sáıkes, ol kelisim beretin jasyna kirdi. Tıisinshe qylmystyq quqyq buzýshylyqtyń quramy joq. Jasóspirim men balanyń ákesi arasynda neke qıyldy,– dedi Sáýle Shákenova.
Oblystyq bilim berý basqarmasynyń bul fakt boıynsha habary bar kórinedi.
Tárbıelenýshiniń 3 aptalyq júktilik faktisi medısınalyq tekserýmen rastaldy. Fakt boıynsha qamqorshysy, ortalyqtyń basshysy quqyq qorǵaý organdaryna ótinish jazdy. Qyzǵa qajetti psıhologııalyq kómek kórsetildi,– dedi basqarmada.
Jaǵdaı kámeletke tolmaǵandardyń isteri jáne olardyń quqyqtaryn qorǵaý jónindegi komıssııanyń otyrysynda qaraldy. Ortalyq basshysy tártiptik jaýapkershilikke tartyldy. Qyzǵa kámeletke tolmaǵan er balanyń ata-anasy qarjylyq kómek kórsetedi.