Abaı oblysynyń prokýratýrasy «Semeı ormany» MOTR mekemesiniń jalǵan dıplom arqyly jumysqa ornalasqan qyzmetkerlerin anyqtady, dep habarlaıdy Egemen.kz.
Mamandandyrylǵan tabıǵatty qorǵaý prokýratýrasy joǵary oqý oryndaryn bitirgeni týraly jalǵan dıplomdarmen jumys istegen rezervattyń 5 qyzmetkerin, onyń ishinde bir fılıal basshysyn anyqtaǵan.
«Semeı qalasynyń Shákárim atyndaǵy ýnıversıtettiń málimetine sáıkes atalǵan qyzmetkerlerge dıplom berilmegen. Osy faktiler boıynsha QK 385-babynyń 3-bóligi (jalǵan qujattardy jasaý, daıyndaý nemese ótkizý) boıynsha sotqa deıingi tergep-tekserýler bastalyp, materıaldar prosessýaldyq sheshim qabyldaý úshin polısııaǵa joldandy», delingen habarlamada.