Jıyrma mekteptiń qurylysy bastaldy

Osyndaı jańa nysannyń biri munaıly shaharǵa taıaý ornalasqan Besikti aýlynda ashyldy. Atyraý ob­ly­­sy ákiminiń orynbasary Daryn Sha­mu­ratovtyń aıtýynsha, ja­ńa bal­abaqshaǵa 280 bala qabyl­da­nady.

«Bıyl osyndaı 6 nysannyń qury­lysy aıaqtaldy. Bul bala­baq­shada mektepke deıingi tárbıe ala­tyn baldyrǵanddar úshin bar­lyq qolaıly jaǵdaı jasaldy. О́ıt­ke­ni­ búgingi baldyrǵandarymyzdy eli­mizdiń jarqyn bolashaǵyna adal qyz­met etetin sanaly urpaq retinde tárbıe­leýimiz qajet», deıdi Daryn Shamuratov.

Syrtqy kelbeti erekshe bezen­­­di­rilgen eki qabatty jańa ǵıma­rat­­ta gımnastıka jáne mýzyka sa­­baǵyn ótkizýge arnalǵan zaldar bar. Nysan aýmaǵynda oıyn jáne sport alań­dary, jol júrý ereje­le­­­rin úıre­­týge arnalǵan alań ja­sal­­ǵan.

Atyraý qalalyq bilim bóli­­miniń basshysy Aınagúl Dúıse­kenovanyń málimetinshe, qazir balabaqshada 2 jastan 5 jasqa deıingi balalarǵa arnalǵan 4 top ashylǵan. Ár topta 25 bala bar.

«Atyraý qalasynda jyl saıyn balabaqsha kezegine turǵandar sany kóbeıip keledi. Bul máseleni jańa­dan ashylǵan balabaqshalar arqy­ly kezeń-kezeńimen sheshýdi kózdep otyrmyz», dedi A.Dúısekenova.

Al oblystyq bilim basqar­ma­sy­nyń málimetine súıensek, byltyr 6 orta mektep iske qosyl­dy. Mem­le­ket-jekemenshik árip­testigi aıasynda «Saryarqa» jáne «Nursaıa» shaǵyn aýdanynda 2 Binom mektep-lıseıi jumysyn bastady.

«Bıyl munaıly shahar ma­ńyn­daǵy Aqjar aýlynda 1 mektep paı­dalanýǵa berildi. Al «Jaıly mektep» ulttyq jobasy aıasynda Saryózek pen Bereke aýlynda zama­naýı úlgidegi eki mektep iske qosyldy. Endi jyl sońyna deıin Qulsary qalasynvń «Bereke», ­oblys ortalyǵyndaǵy «Vodnıkovo» shaǵyn aýdanynda salynyp jatqan bilim ordasyn ashý jos­parlanyp otyr», dep ­habarlady basqarmanyń baspasóz qyzmeti.

Qazir óńirde 20 mekteptiń qury­lysy qolǵa alyndy. Onyń ishinde Atyraý qalasynda salynyp jatqan 11 nysan bar. Jylyoı aýdanynda – 3 , Inderde – 3, Qurmanǵazyda – 2 jáne Isataı aýdanynda 1 bilim orda­sy salyný ústinde. Sondaı-aq Isataı aýdanyndaǵy Aqqystaý aýylynda 250 oryndyq óner mekte­bi­niń qurylysy aıaqtalýǵa taıaldy. Taǵy 9 bilim ordasynyń jobalyq-smeta­lyq qujaty daıyndalyp jatyr.

Atyraý oblysy