Shaǵyn fýtboldan Nıderlandyda ótip jatqan «World Police Indoor Soccer Tournament» halyqaralyq týrnırinde Qazaqstan polıseıleri top jardy, dep habarlaıdy Egemen.kz.
Atalǵan jarys jyl saıyn polısııa qyzmetkerlerin, órt sóndirýshilerdi, keden qyzmetkerlerin, áskerılerdi, salyq ınspektorlaryn jınaıdy. Jarys 1982 jyldan beri ótkizilip keledi. Qatysýshylar 4 sanat boıynsha baq synaıdy: erler, áıelder, 35 jastan jáne 45 jastan asqan er adamdar.
Byltyr týrnırge 25 elden 106 komanda qatyssa, bıyl da sportshylar sany az emes. Bıyl Qazaqstan namysyn Shymkent qalasy polısııa departamentiniń qyzmetkerleri qorǵap, birinshi oryndy jeńip aldy.