Túrkistan oblysynda polısııa jarylǵysh zat týraly jalǵan habarlama taratqan kámeletke tolmaǵan balany tapty, dep habarlaıdy Egemen.kz.
Túrkistan oblysynda polısııaǵa belgisiz adamnan qońyraý kelip tústi. Onda Jetisaı aýdany oqý oryndarynyń birinde jarylǵysh qurylǵy qoıylǵany týraly habarlanǵan. Oqıǵa ornyna shuǵyl túrde arnaıy qyzmetter jumyldyrylyp, oqýshylar men mektep ákimshiligin evakýasııalady. Tekserý kezinde habarlama jalǵan bolyp shyqqany anyqtaldy.
Jedel-izdestirý is-sharalary barysynda Túrkistan oblysynyń polıseıleri jarylǵysh qurylǵy týraly habarlaǵan kámeletke tolmaǵan 11-synyp oqýshysynyń jeke basyn anyqtady. Qazirgi ýaqytta oqıǵanyń barlyq mán-jaılaryn anyqtaýǵa baǵyttalǵan qajetti is-sharalar júrgizilip jatyr.
Esterińizge sala keteıik, terrorızm aktisi týraly kórineý jalǵan aqparat taratqany úshin aıyppul ne sol mólsherde túzeý jumystarymen, sondaı-aq bes jylǵa deıingi merzimge shekteý nemese bas bostandyǵynan aıyrý túrinde jaza qarastyrylǵan. 14 jasqa tolǵan adamdar bul qylmys úshin qylmystyq jaýapkershilikke tartylady. Sol sebepti polısııa mektep oqýshylaryn qatań eskertedi. Mundaı quqyq buzýshylyqtarǵa zańmen tyıym salynady.
Sondaı-aq sot sheshimi negizinde shyǵyndar men osyndaı habarlamadan keltirilgen barlyq shyǵyn ótelýi tıis. Eger mundaı áreketterdi kámeletke tolmaǵandar jasaǵan jaǵdaıda, zalaldy óteý olardyń ata-analaryna nemese zańdy ókilderine júkteledi.