Aqtóbe qalalyq prokýratýrasy men qalalyq jumyspen qamtý jáne áleýmettik baǵdarlamalar bólimin tekserý barysynda 1-shi jáne 2-shi toptaǵy múgedek 500 adamnyń baspanaǵa muqtajdar retinde tirkelmegendigin anyqtady, dep habarlaıdy Egemen.kz.
Bul faktiler múmkindigi shekteýli adamdardyń quqyqtaryn buzý bolyp tabylady, óıtkeni bul tirkeý olardy qoljetimdi baspanamen qamtamasyz etýdiń bir kepili.
Zańǵa sáıkes, jeke baspanasy joq múgedekter keıinnen áleýmettik baspana alýdy nemese ómir súrý jaǵdaılaryn jaqsartý úshin memlekettik qoldaý alýdy qajet etetinderdiń tiziminde bolýǵa quqyly.
Sonymen qatar, Konstıtýsııa kúnine oraı 39 múgedekke 1 950 000 teńge kóleminde áleýmettik kómek kórsetpeý, sondaı-aq 17 azamatqa 850 000 teńge kóleminde bir rettik tólem tólemeý faktileri anyqtaldy.Sondaı-aq, 1-toptaǵy múgedekterge jeke ońaltý baǵdarlamasyn ázirlemeý jáne 200 JOB-syn iske asyrmaýdyń 152 derekteri anyqtaldy.
Qazirgi ýaqytta múgedekterdiń quqyqtary qalpyna keltirilip, olar baspana esebine alynyp, barlyq qajetti tólemder óteldi.